الام تاج راسي

قصيدتـي زاد بعيونـي جمالـهـا
واخذت أنقـي بالمعانـي جزالهـا

واكتب معانيها من الشوق والغـلا
لأمي وأنا اصغر شاعر ٍمن عيالهـا


كتبتها في غربتـي يـوم رحلتـي
لمـا طرالـي بالسفـر ماطرالهـا

امي وانا بوصف لهـا زود حبهـا
وان ماحكيت لها قصيدي حكالهـا

امي لها بالقلب والجـوف منزلـه
مكانـة ماكـل محبـوب نالـهـا

اقرب من ظلالي وانا وسط غربتي
وانا تراي اقرب لها مـن ظلالهـا

ماشافت اعيوني من الناس غيرها
ولا خلـق رب الخلايـق مثالـهـا

اغلا بشر في جملة النـاس كلهـم
واكرم من ايدين المزون وهمالهـا

اتبع رضاها ورتجـي زود قربهـا
واللي طلبته من حياتـي وصالهـا

الصدق مرساها والاشواق بحرهـا
والعطف واحساس الغلا راس مالها

اهيم فيهـا وابتسـم يـوم قلبهـا
يسأل وانا قلبي يجـاوب سؤالهـا

وان اطلبتني شـي فزيـت مندفـع
اموت أنا واحمـل تعبهـا بدالهـا

واصبر على الدنيا والاحزان والتعب
واحمل على متني فطاحـل جبالهـا

واسهر اعذب راحة القلب بالشقـا
واعيش اعاني بس يرتـاح بالهـا

تربية ابوي اللي على الطيب بذكرة
اللـي وهبنـي الحيـاه ومجالهـا

نور لي ادروبي وانا طفل مبتـدي
حتى تركني واحـد مـن رجالهـا

الوالدين اولى بالاحسـان لجلهـم
وأولى بتكريـم النفـوس وعدلهـا

اقولهـا وانـا علـى الله متـكـل
والله عليـم بقدرتـي واحتمالهـا

ياكلمة اغلى مـن النـاس كلهـم
ياشمـس بقلبـي بعيـد زوالهـا

يافرحة تملي لـي الكـون باكملـه
ياشجـرة تكبـر ويكبـر ظلالهـا

تضحك لي الدنيا ليا شفت زولهـا
مثل السمـا تزهـا بطلـة هلالهـا

والبعد عنها ياهل العـرف ماقـدره
لاشـك نـاري زايـدة بشتعالهـا

ماعيش ببلاد ولاهيـب بأرضاهـا
ولابي عيوني كان ماهـي قبالهـا

أرض ٍ تدوس امي بالاقدام رملهـا
اموت فيها واندفـن فـي رمالهـا

الله الله

أبدعت أخي الكريم

كلمات تستاهل المرورر والشكر والتحيه

ادامك الله لأهلك وأدامهم لك

ورعاهم ورعاك الله

تقبل ودي واحترامي

اخوك الرجل الملاك

دلع اليمن

مشاعر صادقه

وبوح برائحة البر والتقوى

كيف لي ان اشكرك على هذه المشاعر الغاليه

تجاه اغلى الحبايب .. تجاه

المثال الوحيد للتضحيه

اخي الكريم الف شكر لك

ابدعت وابدعت وابدعدت

تفبل تحيات (امير العشق)

<span style="color:#000099"><div align="center"><span style="font-family:Tahoma"><span style="color:#000099"></span></div>
</span></span><div align="center">حروف ولا أروع من صاحبة الأبداع</div>
<div align="center"></div>
<div align="center">الأم .. أغلى شيء بالوجود</div>
<div align="center">لا يعرفها إلا من أحس بفراقها</div>
<div align="center"></div>
<div align="center">سلمت يداكـ .. اخت</div>
<div align="center">دلع اليمن</div>
<div align="center">لما خطتهـ يداكِ من تعابير فائقت الجمال</div>
<div align="center"></div>
<div align="center">تحياتي لكِ .. دام لنا قلمكـ المعطا</div>
<div align="center"></div>

تحية طيبة .. !!

جميل ما قرات عن الام

سهوت مع كلماتك ..

التي كانت مشرعة بالشمس

والضوء ..

سلمت يداك .. اختي الكريمه

تحياتي لك

سلمت الانامل التي خطت لنا هذ1 الإبداع
روعهـ حقيقة في الغوالي ويستاهلون نور عيونا ما يغلى عليهمـ
شكراا لكـِ غاليتي لهذه القصيدهـ المعبره
تحياتي وأعذب أمنياتي.