الرداء الازرق

<div align="center">اغلى من الانسان
توب لمس روحه ..
لما كان انسان
وف توب حبيبتى
بسمه ودمعه ضاعوا من انسان
وف توب حبيبتى
الف ليله سهرانين
بين خيطانه الزرق باتوا محرومين
من غنوه ماتت ف حضن اللسان
كانت بتحكى عن قمر تشرين
عن حلم كل العاشقين
عن فرحة العمر الحزين
عن قلب ورده فتحت تحت الخيطان
رشت نداها عا الغيطان
فرشت دفاها فى حضن الامان
الغنوه كانت نبع ميه كتبها ريقك
والالف ليله زادوا ميه وضاع طريقك
والوعد ميهونش صديقك
لو بيوم القلب هان
بس كان آن الأوان
يتوزن قلبى بميزان
بعتذر ليكى حبيبتى
حبى ده مكنش امتحان
انا حبى كان ..
جوايا حلم
حلمى انا .. مش حلمنا
شاف فيكى امه لما كنتى بيوم هنا
بعدك بيسأل .. هيه فين
بعدك رجع تانى يتيم
بس عاش
ويا صوره ووردتين
ويا خصله داب سوادها
فوق شفايف عطشانين
وكل شئ حسيته فيكى
لسه شامه فى الخيطان
بحضنه من غير ايدين
بسمعه من غير لسان
اوعى توبى يضيع كمان
تنقسم روحى روحين
والروحين متغربين
واما احس بشئ مسافر
اخطف التوب بين ضلوعى
الخيوط تبقا خناجر
والعذاب ملوهش آخر
اصله لسه الحلم قادر
قلبى قادر بيه يعيش
وسط ماضى عايشه حاضر
غربتى مبتنتهيش
والغربه مش أهل ووطن ..
ولا طير مهاجر
الغربه .. روح من غير سكن
من غير مشاعر
مكتوب نكمل عمرنا متغربين
مكتوبلى اسمك فوق جبين
مكتوب ليالى ارسمك بسمة عنين
مكتوبلى شعرك اغزله حلم السنين
مكتوبلى اعيش كل الزمن تشرين
والحلم رافض ليه يبان
والعمر عربيه ف حصان
تاجر وبيخاف م الزمان
بيبيع قلوب مسلوخه من احلامها
يشترى بيها الامان
ونا بعت كل العمر بالاحلام
واشتريت انسان
اتارى الحلم كان توبك
والباقى من انسان
اغلى ما ف الانسان
كدبة مشاعر تقدر على النسيان
من حقى ابكى فى الخيطان
لما اتنفس روايح الحب اللى كان
اجمل سنين عمرنا
حبة عرق فى خيطان
يا ام قلب لو بأيدى مكنش هان
مفضلش ليكى بقلبى
غير دعوه للرحمان
بسمعها كل ادان
يارب تسعد حياتها واحفظها بالقرآن
ولسانى وحده يقول امين
تعرفى .. الحلم خدنى لحد فين
التقيكى مرة تالته .. التقيتك مرتين
متضحكيش
ده بس حلم عشان اعيش
طب تعرفى ..
نفسى ابكى ذيك عا الحسين
لسه بتبكى !!
ابكى عليه
ابكى اللى عايشين ميتين
عمرى مبكيت الحسين
لكن ببكى على تشرين
وبسأل كل يوم توبك
من بعدى .. هسيبه لمين
http://www.geocities.com/mostafa_siic/maya.html</div>

غربتى مبتنتهيش
والغربه مش أهل ووطن ..
ولا طير مهاجر
الغربه .. روح من غير سكن
من غير مشاعر

........................................


المرواني


قراءه سليمه لواقع الغربيه وربما جديده

لكنها جميله في كل المقاييس

اخي الكريم

نحن دائما بانتظار المبدعين امثالك

شكرا يا غالي