<div align="center">السلام عليكم
كيف احوالكم
يا علّكم طيبين
.
.
.
بقول لكم مأساه من المآسي اللي دوم يمر فيها جاري
طبعا جاري انسان مكوشح يعني محظوظ بهالنكبات
لكن هالمره السالفه غير
مثل جده غير
بسولفها لكم على لسانه
هييييييييييييه لا احد يفهم اني انا المقصود
قسم ان ماهوب أنا
سلمكم الله ابلشتني زوجتي وقالت يا ابو خليف نبيك تستقدم لنا خدامه
ابيها تساعدني بشغل البيت
خبرك الذيب مناحي مجنني ومو مخليني اشتغل
قلت لها تامرين امر يا ام خليف
وجبت لها ذيك الشغاله السريلانكيه
وهذي بطاقتها
الاسم :نانتي امسكت مع امي ما تناديها الا بنانسي
العمر:40 سنه
الطول : اقصر من النافوره اللي بجده بـ 5 سم <<< العن يومها يا طولها
الحاله الاجتماعيه : متزوجه ولها 4 بزارين وبنتين
صراحه هالشغاله مجتهده مع عيالي وخاصه مع خليف اللي مطلع عين اهلها بالطلبات
ومره من المرايت قالت لي ام خليف
يا ولد اذهبتني هالشغاله
كل يوم تاخذ جوالي وتكلم اهلها
بصراحه فلّستني
وكل يوم وانا مناشب مع شركة الاتصالات حتى يرجعون لي الخدمه
قلت والدبره؟
قالت اشتر لها جوال وفكني منها
وشريت لها ذاك الجوال
ومن يومها وام خليف مبسوطه
وفي يوم من الايام قالت لي يا خلف اهلي <<< تقردنه هههههه
شرايك نسافر للدمام
ودي اتسبّح بالبحر
قال ابشري من عيوني <<< يمشي معه الاسلوب هذا ههههه
وطلعو للدمام
وبصراحه حصلت اشياء غريبه هناك انا ما فهمتها
اشوف خدامتنا تسرح كثير
ودايم يرن جوالها
واذا رن جوالها ما تشوف الا وعيونها تلاقط وبس تلتفت وطيران على المطبخ
ودايم تتكلم وتضحك مع ان مالها بالعاده تضحك
بالعاده لما تكلم اهلها ما تقفل الا وهي باكيه والدموع اربع اربع
لكن مدري وش فيها؟
لما تقفل احس انها تبي تطير من الفرحه
ودايم تقول ماما انا في يشوف ملابس واجد كويس عليك
وام خليف خبيله دوم تصدقها
وكل ما نروح نضيّع الشغاله
وما نلقاها الا بطلعة الروح
المهم ردينا لديرتنا والشغاله ما ودها ترد
حتى انها قالت لي
بابا انت ليش ما يسكن هنا
هنا فيه اسواق كثير
ونفرات كثير
بعدين هنا انت ما يعرف أحد
يعني ما فيه كل يوم يسوي ذبيحه <<<<< اخص يا حاتم الحفر
وبعد ما ردينا تغيرت احوال الشغاله
صارت تسهر كثير
وتتكلم بالجوال اكثر!!
وفي يوم من الايام رن جرس بيتنا
ولما فتحته لقيت سبعطعش هندي كاشخين كأنه رايحين حفله
قلت خير .. الجوازات ذاك الصوب
قال واحدن فيهم بابا انا ما يبغى جوازات انا يبي انت
قلت وش تبغى يا حلايا السحليه اللي حايشها اسهال؟
ماعندي مؤسسه ولا انا مهرب عماله
قال انا يبي يتكلم في موضوع خاص
ولازم اتكلم بمجلس مال انت
قلت يالله الصبر
ودخلتهم بالمجلس
وقال لي الهندي انا فيه يبغى قهوه
وقلت هذا اللي ناقص
امرنا لله نجيب له قهوه ونبي نشوف تاليتها معاك
ويوم اني صبيت له القهوه ما شربها
نزلها بالارض وقال انا ما يشرب قهوه مال انت
قلت وراك ما تشرب
قال الهندي انا يبغى يطلب وبعدين انا فيه يشرب
قلت امحق الاخ مسوي فيها بدوي
قل الهندي انا فيه يشوف مسلسل بدوي مال انتم يسوي كذا
قلت اطلب ولا يكثر
قال انا يبي يتزوج
قلت له : احد قايل لك اني مأذون انكحه؟
قال بابا انا يبي يتزوج من بيت مال انت
قلت اعقب ما بقى الا انت
قال انا يبي يتزوج آندي الشغاله مال انت
قلت بس هي متزوجه يا خايب السد!!
وما دريت الا والشغاله قامزه بخشتي وهي تقول انا ما يبغى زوج مال انا
انا يبغى كومار
ويقمز الهندي من مكانه وهو يغني ودموعه اربع اربع
والشغاله ما غير تطامر والهنود مجاوبين معاها
وكني اتابع اغنيه من فيلم هندي
طبعا خليتهم يطامرون معها الين ما جبت العجره
وصرت السّبهم فيها الين ما تناقزو من المجلس للخارج تقل فيران
والشغاله تصيح وهي تقول نهي نهي
وانا اقول نهي يوجع مصارينك يا ملعونة الوالدين
وآخرتها وديتها للجوازات وحلفت اني ما اجيب شغاله مرتن ثانيه</div>
<div align="center">س1 ) من احسن لعب عندك في ريال مدريد ؟ ؟ </div>
|
العرض العادي
