ياربيع القلب

ياربيع القلب وينك طول اغيابك عليه
لاتناساني عسى الله مايطول في غيابك
أنت تدري ان قلبي فيك سوى لي قضيه
وانهمك تفكيري بشخصك وسنتر عند بابك
وانت تدري ان عيدي شوفتك ياعيد حيه
حالفن لك باليمين أني رصيدن في حسابك
وانت تدري اني أكره كل ماكرهك فيه
واتحاشى لجل عينك ياغلا قلبي عتابك
لك معليق الخفوق تحن وشلون البقية
كل عضو يموت فيك وكل تفكير بجنابك
(الرضا) شوفتك (والفرحة) يدينك في يديه
(والقناعه) بعد جودك بالوصال لمن شقى بك
هو كذا تفسيرها وافسر ابعادك بليه
أو ذبول الورد في البستان (وغيابك) عذابك
ياشموخ الروح مدري ياعنى النفس الشقية
طالبك ياحلو بالله لاتعيشني سرابك
شوقي لشوفك كواني في الضمير الفين كيه
وكل ما اتلفت يلوح اشراق جسمك في ثيابك
كيف بسلا عنك وشموس الغلا في القلب حيه
وانت فتنه عانقتني يوم سعد الحظ جابك
يوم جابك سعد حظي قلت يامولاي حيه
مادريت ان الهوى بركان ودموعً تشابك
طالبك بالله لو طولت فغيابك عليه
لاتناساني عسى الله مايطول في غيابك

صحـ لسـ،ـانكـ

الله يعطيكـ العـ،ـافيهـ

إحـ،،،ـاس رائعـ و وصفـ؛ دقيقـ؛

يسلمـ النينجـ،ـا.

تحيـ،ـاتيـ.

مشكور على المرورك

بس اشعارك احسن