ساعة الصفر ( فضفضة ابو سعد )

شعب ساعة الصفر

السلام عليكم ورحمة الله وبركاتة
اخواني أخواتي امي وابوي
أكتب لكم اليوم وأنا منفته كبدي من جميع أخواني الشعب السعودي كله كله بصفه خاصة والعرب بصفة عامة والخوجات لا
يعني لمتى وحنا بالوضع المزري هذا لا تقولو لي ايش الوضع
اذا كنت تعلم فتلك مصيبة واذاكنت لاتعلم فهذي النكبة
خلوني قبل ما ابدى الموضوع
اضرب لكم مثال حتى تتضح الصوووووورة
لو قالو لك أن هناك شاباب ناوين يدبوااااااااااك ( الدب يعني الضرب الشديد لدرجة أنك تسمع صوت دب دب )
يعني وش تسوي اكيد تبي تنادي ربعك ولا تعلن النفير وتجهز حالك من بدري
او كان هناك شيخ من شيوووخ الفلوس يبي يسوي زياره لك هل تنتظره حتى لما يطق الباب ولا تجهز حالك من بدري
طيب مثال أخر لو قالو لك السيل جاك يبي يشيلك انت وبزورتك كلهم هل تنتظر لما تشوف السيل مقبل ولا تجهز حالك للهرب من بدري
مافهمتو شيء صح طيب نخش بالموضوع دغررررررررررررررري

طيب الحين يا أيها الشعب السعودي المحترم من يوم ما بدت الاجازة وحنا عارفين متى تبي تبداء الدراسة يعني مافية شخص واحد أبي شخص واحد تقضى قبل الدراسة باسبووووع
نايمين نايمين نايمين مدة كذا شهر ولما يقولون بكرة المدارس
إلا جميع الشعب السعودي دووون أستثناء الجامعي والامي والبدوي والحضري والكشخة والجلف يتناقزوون بالاسواق وبالمكاتب وعند ابو ريالين ماتشووف إلا هاللسيارة الفان محمل بزوورة وينزلهم ويصيح بهم ابووهم أشترررروا بسرعة
وراعي الددسن مسرع وبالغمارة حريم وبالحوض بزرران مثل حب الفصفص
وهالبنت تهبل الحركات والعيون بس العباية لونها أشهب( لمعرفة للون الاشهب الرجاء النظر الى اقرب وجه بجوارك) من أقتحام المكتبات وكنس الشوارع
والشايب ينادي يانورة ياوظحى مغدي عيلته كلهم وهالشباب فاركين لها من الهيئة والهيئة طردي ورااهم امسك ماتمسك محد عندك
واللي اخطى عقله وصار يهوجن بالشارع <<< المعنى ببطن الشاعر
وأنت تمشي ما تدري إلا سيارة من يمين سيارة من يسار سيارة أنزال مظلي من فوق نازلة عليك وزحمة يادنيا زحمة وكل هالمشاكل بسبب عودة الطلاب الى المدارس
ليه كذا ليه كذا والله لو حنا عايشين في برنامج في البر في الجو ماصارت زحمة زي كذا لية ماجهزتوا حالكم من بدري ليه ليه انا عملت بكم أيش حتى تسو في كذا حرام عليكم إيش ذنبي
لكن والله ما يعرف لكم غيري لو بيدي راااح أجتث هذي الظاهره من جذورها كيف؟؟
أنا أقول لكم كيف
نبي تصدر مرسوم ملكي بأغلاق جميع المكتبات ومحلات ابو ريالين ومحلات الملابس الرجالية والنسائية وحظر التجول قبل الدراسة بيوم علشان طبع ساعة الصفر هذي يخلونها عنهم أخوانا بالله
ولا مو بس كذا نكون لجنة من أشرس المدرسين والبزر اللي ما معه شنطة تمدة فلكه طبعا هذا عقاب لابوه لانه من ربع ساعة الصفر وماجهز حاله بدري ونرسلة لرعاية الاحداث
ونطلب ولي أمره ونسجنة مدة خمسين سنة يتبطح بالسجن على كيفة وينتظر ساعة الصفر بالسجن وإذا ماطل أو هرب من السلطات التنفيذية نلقي القبض عليه ونشبك كراعينه باقرب تريلة رايحة للدمام ويدينة برج المملكة وبكذا نجتث ظاهره اجتماعية خطيرة بالمجتمع
وأنا أحس أني نفست على نفسي شوي وطلعت اللي بقلبي والله لا يوليني على مسلم وقبل لأنسى نبي نلقي القبض على عجوز العيلة ونغمسها بهدوووء بالزيت المقلي لانها هي السبب بس تقول تريح ياوليدي والله أنك تعبان خلها بكرة واليوم نسير على خالتك أم مزنه
ورمضان على الابواب تقضوا من الآن وإذا تستنوا التخفيضات أقول لكم من الحين ترى التخفيضات على بضايع نص عمر يعني مايكمل رمضان غير وهي منتهية الصلاحية
وشكرا لكم لاتاحة الفرصه لي لكي افضفض شوي واحذر ربع ساعة الصفر
ونسيت البنية أم شبرات نبي نحلق راسه على الصفر ونرتاح مررره وحده
والسلام عليكم ورحمة الله وبركاته وارجوا أني ما أكون غثيتكم ولا روعتكم ترووها فضفضه
هرج X هرج

الجنرال ابوسعد



__________________________
يسلموووو ابو سعد على الفضفضة الحلوة
نقلته لكم لأنه عجبني

أخوكم:
القمر عمر

هههه

تسلم خيووو عمر والله كلام ابو سعد صحيح

تسلم انت وابو سعد وياريت ماننحرم من طلتك الحلوه علينا بالكلام العامي

انا الحين بطلع

ولي عودة لك انت وابو سعد

يالشين عمر

الا ماتقدر تسال ابو سعد وش سوى مع ساعة الصفر ؟؟
انا واعوذ بالله من كلمة انا
يوم جت ساعة الصفر
ارتديت سيارتي(لاتفوتكم الثقافة .يرتدي السيارة الأخ) ذاهبا للمكتبة المجاورة اهم شي مالكم بالطويلة
جيت ابدخل المكتبة ومن كثر الزحمة ماقريت الكلمة اللي على الباب (خروج) وقفت قدام الباب انتظره يفتح ( مسوي نفسي اباختصر شفت الباب ماعنده احد ) اهم شي ارفع يدي الباب عيى يفتح ( الباب له حساسات يفتح من نفسه من زود الكرم )واقعد اطق الباب واسوي حركات بهلوانية ابغاه يفتح واموه على الباب بيدي واضربه برجلي وسويت معه كل شي (طبعا هذي الحركات كلها من الفشيلة )اهم شي فجأة طاحت عيوني(بسم الله علينا الظاهرعيونه تركيبه) على كلمة (خروج) وسبحان الله وجهي راح احمررررررر(لا ياشيخ من البياض الناصع صرت احمر .لو يغسلونك بكلوركس وبنزين وفلاش بعد ماصرت ابيض) اهم شي رضخت (وش رضخت ياقوي) للامر الواقع (والواقع سراب ) ورحت لباب الزحمة المذكور



اهم شي
مايستفاد من النص
هي اربع بنود
اولا: لاتسوي نفسك ذكي واتبع الجادة دائما .
ثانيا: لاتختصر على بالك تبي تستفيد من وقتك ترا الوقت كالسيف (لا ياشيخ والله انك حكيم).
رابعاانا قلت رابعا عشان اختصر الوقت ونخلص بسرعة) انتبه لساعة الصفر هج عنها تراها نكبة .(على طاري ساعة الصفر اذكر مرة جيت ابروح لعرس ولد عمي وانا متاخر طبعا رحت للحلاق ابحلق دقن اهم شي الحلاق عليمي شال ام الشنب ورحت للعرس وخليت شنبي في الحلاق )


وشكرا لك ياعمر
واسف على الاطالة
صار كان الموضوع لي من الاطالة الزايدة
عذرا

ههههههههههههه
شكرا اخي عمر على المشاركة اللطيفة..

وشكرا اخي سريع على التعليق الحلو ..

تحياتي لكم

أخوي أحساس رسام
يسلمو على الطلة الحلوة
مدام العامية تعجبك
ابشر بعزك وماطلبت شي




___________________________

يالضمة طلعتي وصرفتيها
وقلتي لي رجعة
لأنك عارفة انك انتي المقصودة بالموضوع
خخخخخخخخخخخخ

يالله مو مشكلة نستناك ونستنى تعليقك الاجمل>>بيكحلها
طحياطي ياحياطي <<اعماها
خخخخخخخ




___________________________

الا ماتقدر تسال ابو سعد وش سوى مع ساعة الصفر ؟؟
هههههههههههههههههههههههه

يسلمووو اخوي سريعوووووووووووو
على المرور الحلو والرد الأحلى

بالنسبة للسؤال بحاول اسأله


والنسبة لك انت أخذت خبرة
يقولك الشاعر البريطاني
اسأل expert ولا تسأل doctor

ولا وش رايك



يسلمووووووووووووووووووووووووووو مرة اخرى على المرور
والرد الحلوووووووووووووووووووووووووووووووووووووووووو





_________________________________

مشكورة اختي لو زينا اكيد لوزينا >>>> يمون الاخ

يسلمك ربي
ومن عضو منتحرمش منو







أخووووووكم:
القمـــ عمر ــــر