الحب فى التراث العربى القديم

الحب فى التراث العربى القديم
الكتاب ده انا قريته من فتره وعجبتنى فيه القصص الرومانسيه اللى تجنن زى :
** عروه وعفراء \ كعب وميلاء \ جميله وعامر \ الاندلسى والجاريه **
والله الناس بتوع زمان دول كانو رايقين وفايقين وموراهمش شغله ولا مشغله _عايشين يحبوا وبس_
المهم
أنا هحكى لكم حكايه ** عروه وعفراء ** واحكمو انتوا وشوفو الحب اللى بجد مش حب الايام دى.
أبطال القصه هما:
((عروه بن حزام)) وأبنه عمه ((عفراء بنت مالك العذريين))
كان عروه يتيم وكان عايش مع عمه مالك أبو عفراء وكان عروه وعفراء بيلعبو مع بعض وهما صغيرين ولما بدأوا يكبرو كبر الحب معاهم وكان عروه ديما يقول لعمه جوزنى عفراء وكان عمه يرد عليه ويقوله : أبشر إن عفراء أمرأتك.
بس أم عفراء منها لله كانت عايزه تجوز بنتها لراجل معاه فلوس والظاهر أن عروه كان مفلس
المهم عروه طلب من عمته تتوسط له عند عمه عشان يجوزه عفراء ورد عليها مالك أبو عفراء قالها:
ما عنه مذهب ولكنه ليس بذى مال ، وليس عليه عجله
أل يعنى هيسيب عفراء متلعقه لحد ما عروه يحس على دمه ويشوف له شغله
المهم كالعاده راحت عمه عروه وفتنت له طبعا الدم غلى فى عروق اخينا وحس أن كرامته أتبعترت راح سافر يشتغل ولما رجع وحوش المهر وراح يخطب عفراء عرف أنها أتجوزت راح طب ساكت _ والله مسكين مات فى عز شبابه _
المهم عرفت عفراء أن حبيبها مات راحت طابه ساكته هى كمان _ والله مسكينه منها لله أمها هى السبب لازم الطمع يعنى _
المهم دفنوا عروه فى قبر وعفراء فى القبر اللى جنبه وبعد فتره لقوا جزعين شجره خرجو من القبرين بتوع عروه وعفراء
ولفوا حولين بعض يا سبحان الله بس المهم أن نوع الشجرتين دول مش موجودين فى البلد دى ومحدش فى البلد كلها عرف نوعهم
المهم أنا طبعا طولت عليكم أوى بس القصص الباقيه هحكيها لكم قريب بس لو دى عجبتكم عايزه ردود بقى
يتبع
**********************
THANK U
D.M[/b]