يكفي بكفي بقا * حرام

angelman · #1 **07-20-2006, 04:14 PM**

أرجو ان يتم التثبيت

<div align="center">بيكفي بقا ......!!!

عن جد بيكفي بقا ...
وين البشر..
قولو معي بيكفي بقا..

بيكفي بقا
نوم وسهر..
حب وسمر..
نحلم على صوت الوتر..

بيكفي بقا !!
كذب ودجل..
عشق وغزل..
ونحلم بخيطان الأمل.. !

بيكفي بقا

بيكفي بقا..
وين البشر..
صارو حجر
قلبهن على الحب أنشطر..
بيكفي بقا..

إصحوا بقا. !!
وين العرب..
صرتو خشب..
ما فكرو بلحظة تعب..
وين الخشب
صارو عرب !!!!!!

بيكفي بقا
والله حرام
وين الوئام
وين المحبه والسلام
بنخاف حتى من الكلام .!
والله حرام

بيكفي بقا ..
شو .. ما في حدا ؟؟
كلنا سوا
نصرخ سوا
ونقول بيكفي بقا ..
ما بنسمع غيرك يا صدى
رددت صوتي يا صدى

بيكفي بقا..
وين الحنان
في هذا الزمان مات الحنان
ماضل في الدنيا امان
ضاع الأمان
لبنان ......... لبنان !!
الأنسان مات في قلبو الحنان

وبنحكي سوا
بيكفي بقا
شم الهوى
وتعالو لنصرخ سوى
ما بدنا حكام العرب
مابدنا حكي ولاخطب
حراام..!! تتنزل رتب
من كتف الواح الخشب
أو ينسرق كرسي الخشب
كل الخشب زي العرب

وبنبقا سوا
نحكي سوا
بيكفي بقا
ياشعب التونه والسردين
شوفو فلسطين
شوفو لبنان المسكين
ما شبعتو من أكل السردين

سنه وشيعه ومسيحيين ...

بس كلكن عرب
ومثل الخشب
بيكفي بقا

على حالكم أبكوا
على بعظكم أحكوا
تمسخرو أضحكوا
بس .. فكرو
شو رح يصير فينا فكرو
بيكفي بقا
بيكفي بقا</div>

قطر السماء · #2 **07-20-2006, 04:20 PM**

شكرا لك اخي على مشاعرك النبيله .. الفرج قريب باذن الله

angelman · #3 **07-20-2006, 04:29 PM**

شكرا أختي على مرورك
ونسئل الله الفرج والتيسير

looolooo · #4 **07-20-2006, 07:01 PM**

شكرا لك اخي الكريم

يعطيك العافية

ننتظرجديدك ...

sooosooo · #5 **07-21-2006, 04:14 AM**

شكرا لك اخي

ننتظر جديدك

تحياتي .. سووسوو

إمرأه بلاقلب · #6 **07-21-2006, 12:42 PM**

كلمات رائعه
يعطيك الف عاااااااااااافيه

angelman · #7 **07-27-2006, 12:26 PM**

عزيزتي looolooo
عزيزتي sooosooo
عزيزتي إمرأه بلاقلب

شكرا على مروركم جميعا
وقرائة الموضوع

وأتمنى ان يكون قد اعجبكم

لذا ارجو منكم الدعاء لكل وطن مقهور
ولكل ألامه العربيه

والرحمه على شهداء العرب والمسلمين والذين نزفت دمائهم فداء للوطن

وتقبلو تحياتي

أخوكم angelman