موسوعه الشعراء من كل شاعر بيت

احاول اني اجمع اكبر عدد من ابيات الشعر العامي والفصيح اتمنى تنول اعجابكم .......


لاتعاند

لاتعاند نبضه قلب تنطق بحبك
لاتقتلها حبيبى بالسكوت
لاتقول انى ماسكنت قلبك
ولاتبادل مشاعري والحب بالبرود


يمكن انا

يمكن انا اكون اعز انسان في عيونك
بس انت والله كل الناس في عيوني

ما هو فخر

ماهو فخر في سنه تعرفلك أمية صديق
الفخر تتعرّف بصديق .. لمية سنه

انت لو

انت لو اني خدعتك راح ترضى بالخديعه؟
بعتني مليون مره حبني مره عشاني
خايف تحمل خفوقي فوق مالايستطيعه
ويبتليك الله بغيري مثل مافيك ابتلاني

نزوة اشواق

مهيب غيره واعتقد نزوة اشواق
وحب امتلاك الغير ممزوج فيها
حبك لنفسك فاق معنى الهوى فاق
ومن حب نفسه كيف يقدر عليها؟؟

اتحداهم جميعاً

أتحداهم جميعاً أن يكونوا
قطرة صغرى ببحري
أو يكونوا أطفئو أعمارهم
مثلما أطفأت في عينيك عمري
أتحداكِ أنا أن تجدي عاشق مثلي
وعصراً ذهبي مثل عصري
فرحلي حيث تريدين واضحكي وابكي
فأنا اعرف أن لن تجدي موطن
فيه تلميذٌ كصدري

اشهد ان

اشهد أن لا امرأة
تجتاحني في لحظات العشق كالزلزال
تغرقني تحرقني تشعلني
تطفاني تكسرني نصفين كالهلال
تحتل نفسي أطول احتلال
واجمل احتلال .. إلا أنت

الشجر

ماهو غريب ان التراب
يعانق جذور الشجر
بس الغريب ان الشجر
يستنكر افضال التراب

ليتني

ليتني لاجيتك بجرحي لقيتك بلسم له
البلا يوم إني أرجع به وجنبه جرح ثاني
وأنت ماانت أول ولا آخر من جرح بالحب خله
كان فيه طعون ؟ هات اللي تبي والعمر فاني

شفتك

شفتك مع اللي صار عقبي حبيبك
واحتارت العبره بعيني وصديت
ما ادري هي الصدفه بدربي تجيبك
ولا انا الي في دروبك تحريت

القهر

مايذبح الرجال غيرانه يشوف
اخس خلق الله ياخذمكانه

لاتعتذر

لاتدعي حب جحدته من اعوام
ولاتعتذروقت المعاذير ولى
رح في طريقك لاتفكربالاوهام
ولاتنسى انك من بدا ومن تخلى

جرح الروح

ان كان قصدك تجرح الروح وتروح
عندي كفايه مابقى من جروجي
وان كان غرك قولت الناس مملوح
هذي عبارة ماتناسب طموحي

نجمك طلع

لابان برهان الغلا من يساويك
نجمك طلع ونجوم غيرك تهاوت

ثلاث حبات خال

ثلاث حبات خال حول مبسمها
والمنهل العذب تكثر حوله الزحمه

يمكن لو

يمكن لو انه يلمس الجرح بيديه
يستغرب ان اللي لمسها طعونه

قبل انتفارق

قبل انتفارق ودي اسالك عن شي
وش تستفيد ان قيل هذا قتيلك

كان الرجا

كان الرجا في شوفتك يوم فرقاك
الله يجيب موادعك لجل اشوفك

أقسى من آلام الجروح

وش علام الحزن عيا لا يروح
وليه ما جفت دموع البارحه
ابتسم والروح لأقصاها تنوح
والوكاد دموع عيني فاضحه
دنيتي جرحي ودنياهم مزوح
مثل مرج الماء فرات ومالحه
أشهد ان العمر مكتوب بلوح
وما لغصات الموادع شارحه
وأشهد ان أقسى من آلام الجروح
حاجة المجروح للي جارحه

انكسرت

انكسرت وقسوتك خّلت احاسيسي حطام
كلها عندي بكوم وصدتك عني بكوم
كلٍ يعلّم هوى باله تفاصيل الغرام
الا انا علمتني وشلون تجريع الهموم

وشلون؟؟؟

وشلون ما أصيح؟ وأكشف أوراقي؟
وأسمك مثل حلم ماني قادر أوصله
آه لوأوصلك ويلك من عناقي
وان مت في سكتتك هذا الشرف كله
تصدق ان حبك خرب اخلاقي
لاني اذا شفتك اطنش كل خلق الله

انا المذنب

أنا المذنب والخطاء والعفو واسع
ولو لم يكن ذنب لما عُرف العفو

يا جود الحزن

آه ياجود الحزن وياي والفرحة شحوح
ضايع بهمومي الغبرا بوسط المعمعة
اشتكي لوسادتي دنياي وأسمعها تنوح
كنها بعضي وبعضي وينه ومن هو معه

شوف واحسب

احسب اللي راح من عمري وعمرك
شوف كم مره انا وانت التقينا
شوف وصلك كـم وكـم مرات هجرك
شوف كم مره تزاعلنا ورضـينا
من عرفتك والظروف اسباب عذرك
ودي اذكر يوم فيه احنا اهتنينا
في البحـر تايه رسـيني لبرك
ودني برتاح مـن بحرك لمينا
جف نهري من سببك وجـف نهـرك
بسألك وشلون ياخلي ظـمينا

والله احبة

والله احبة درى ولا مايدري
يكفي اني احبة واعشق دروبة
جيت اجبر الكسر شفته وانكسر جبري
وصديت لكن جروحي ناظرت صوبه

أغار

أغار عليك وأقسم لا أغار
ويدري الكون أجمع كم أغار
فإن همست شفاهك باسم غيري
شعرت بأن همستها انفجار
وإن قرت على عينيك عين
وددت لو ارتمى فيها شرار
وإن فـرّ الحوار إلى صديق
وددت ُ..دعوتُ لو مات الحوار

قال لو..

قال لو حبيت غيرك وش تقول؟
قلت احاول قد ما اقدر امنعك
قال لو عيت تطاوعك الحلول ؟
قلت أحبه يابعد عمري معك !

أنا

انا حبيت اعشقك نبض ومشاعر ما اعشقك تمثال
انا جيت اسكنك واحياك وابقى فيك وابقى لك
انا جيت اب ظمى عاشق تعب يطرد سراب اللال
انا جيت استفز رضاك مـن فرقاك والجا لك
انا ما همت بك عاقل انا كنت اعشقـك بخبال
انا ما كنت احبك حي انا كنت اعشقك هالك


بعض الجروح

بعض الجرووح ان جت من اغراب عادي
الجرح موت الجرح لا جا من احباب
مليت ادور لك عذر يا ودادي
مثل الضرير اللي ورى النور طلاب

غلاك

غلاك بداخل عروقي ولايوصل غلاك أنسان
يمر الوقت ويثبت لك غلاك إن الله أحياني
بضحي بعمري لعيونك تنام إنت وأنا سهران
وأنادي جروحك لقلبي وتجي واحد ورى الثاني

ودي ابكي

ودي ابكي لين مايبقى دموع
ودي اشكي لين مايبقى كلام
من جروح صارت بقلبي تلوع
ومن هموم احرمت عيني المنام
انطفت في دنيتي كل الشموع
والهنا مايوم في دنياي دام
ان شكيت الحال محدن لي سموع
وان سكت.. الناس زادوني ملام

فاقد الشيء

اخطيت يوم اني طلبتك حنانك
لاصرت فاقد شي ..وشلون تعطيه
مهما نطق لي بالمشاعر... لسانك
شيٍ بدون احساس .. ما اقتنع فيه
احساسك المصنوع خنته وخانك
جاملتني به وانت تجهل ..معانيه
منى نصيحه تنفعك في زمانك
الا شعورك ..لاتبيعه وتشريه

اذكرك وانساك

المشكله اني لانسيتك ذكرتك
والعب على نفسي وانا اذكرك وانساك
قريب منك وابتعد لاوصلتك
ابيك لكن بعـض الاحيان مـابغاك
اعرفك والله وانكر اني عرفتك
واقنع خفوقي وانسى ماكان وياك
شفتك ولا ودي في هالحال شفتك
ودي اطول نظرتي وخوفي انصاك


اختياري

أبي وعد..ما احتمل فيه انتظارك
و أبي ليل .. مايجي بعده نهارك
ودي أدري..هي حياتي اختياري..أو اختيارك
ودي أنسى..ليلة وعدك..أنسى وعدك..ما أجيك
وش يضرك .. لو أخونك ..مره و اختارك عليك


ما قلت احبك

ما قلت احبك ولا قد قلت مـا حبـك
احب مالي عيوني و انـت تسواهـا
لو تدري اش كثر تعني لي تعرف انك
اخر امـل فـي حياتـي واول مناهـا
ياكثر احس ان بك مني و بـي منـك
روح قسمها على شخصيـن مولاهـا!

دخيلك

دخيلك لاتقولي لي تعال نكمل المشوار
انا قلبي كفاه من التعب يابنت ما صابه
انا طالبك روحي في طريقك والقلوب احرار
لاصارالحب في قلبك تسلي وايش اناابغابه

لي صاحب

لي صاحب ماعاد يسئل علينا
الله واكبر من تصاريف الايام
اول يطمنى ويمر ويجينا
واليوم صار لغيبته عندي اعوام

من عافنا عفناه

مجبور تبعد يامنى النفس وانساك
مجبور انا ابعد واتركك لليالي
خلك مع اللي تنتحي له ويهواك
من عافنا عـفناه لو كان غالي
منته بعيدٍ لابغيتك ترى القاك
دايم رفيقٍ لي مرافق ظـلالي
ادعـي ولي العرش يازين يرعاك
قلـبي مع الايام لابد سالي

مات حبك

مـات حبـك والبقيـة فـي حـياتـك
فـي حنـايـا خـافقـي لاقـى مصيـره
خـذ مـع الجثـمان باقـي ذكـرياتـك
تجـربـة حبـي معـك كانـت مـريـرة
ما يعـرف الحـب من سـوى سواتـك
يجهـل الاخـلاص مـن ضيـّع ضميـره
حبـك اللـي تدعّـي هـو حـب ذاتـك
ومـن يحـب الـذات ما يخلـص لغيـره

من يحبك كثر ما أحبك أنا؟

من يحبك كثر ما أحبك أنا؟
ومن بحبك حاول وياما اجتهد
ومن في عينه شوفتك كل المنى
لا ورب العرش ما غيري أحد







اضافه جديد مع اضافة اسم الشاعر



يا قلب لا تحزن

يا قلب لا تحزن ولو طال ممشاي
خاو الصبر والاّ التعب طبع دربي

الشاعر: ناصر القحطاني



انكسر رجال

على نفس هذي الطاوله من ثلاث سنين
رمت بنت دبلتها الذهب وانكسر رجال
وشدّت يديها وارتفع صوتها وبعدين
أنا لازم أمشي وانت يكفيك لعب عيال
هنا مات حب ويبس قلب وتملت عين
من الملح وإندفنت حكاية فرح وآمال
وجيتي تبين نرجع اللي مضى الحين
أنا من ثلاث سنين بطلت لعب عيال


آآآه لوتدري

من شفايفها صباح الخير شكل وطعم ثاني
آه لو تدري وش تسوي صباح الخير فيّا
كل ما عز الطلب عندي وقالت لي عشاني
قلت من هذي قبل هذي وجابتني حميّا


أنا ما ازعل

ومدام ان الزعل مثل الرضا يبقيك في بالي
انا ما ازعل ولا ارضى منك انا ازعل عنك وارضابك


الشاعر للابيات السابقه :فهد عافت


يعلم الله

يعلم الله شفت منك ومن غيابك ماكفاني
كان ماتقدر تخفف هم قلبي لاتزيده

الشاعر: حامد زيد


كنت احبك

والله أني كنت احبك قبل اشوفك
ويوم شفتك ..طاح الغلا ورد وقصايد

الشاعر :نايف صقر


فداك كلي

فـداك انا كـلي لا تسـمعـي
رعـدي ولا يزعـجـك بـرقي
انا لو شـكـيت أحـلم مابه زمـن
ننـدم ومابه عـمـر
للخـوف انتي احفـظيني فـم ولا
تحفـظيني حـروف
ولـو غــرقـت فـ يـم لا
تـعــشـقـي بعـــدي

الشاعر الامير :بدر بن عبدالمحسن


تعال فتشني

تعال فتشني من اقصاي لـ اقصاي
وبحق ماتلقى سواك انت فيني

الشاعر:علي السبعان

امس واليوم

أمس عشتك فرح واليوم بنساك هم
في جفاف الصحاري من يذوق السراب

الشاعر الامير:سعود بن عبدالله

كنت اترجااااه

ويومي تعبت وقلت: ياقلبي إنساه
جَمر الهوى وسط الفؤآد إشتعل بي
قِمّت آتذكر يوم كنت آترجاه
والشوق في قمّة جنونه وصل بي!
وآقول حس ارجوك بالقلب وش جآه
حالي مِن الفرقا حبيبي نَحل بي

الشاعره: نوض


حبك فؤادي

ياكثر ماحبك فوادي .. وصانك
مع كثر ماتبعده .. كنك تناديه

الشاعر الامير:منادي


غيابك جمر

قالت غيابك وانتظارك جمر
وابطت تعاتبني وتتشره
قلت ابشري والرمش يامر أمر
يالول وجداني ويادره
واللي جمعنا يا انتظار العمر
ما اعود هالفرقا ولامره


كلك غلا

كلك تعالي غلا ... والا ارجعي كلك
بعض الغلا منك مايستاهل الجيه
اما تعالي لقلبٍ .. فز لك كلك
والا اتركيني ما ابي لك بالهوى جيه

الشاعرللبيتين السابقين:مساعد الرشيدي

حبيبي

حبيبي ..الغالي تجرعت فرقاه
بالله وش خليت لي يا زماني
مالي جدأ الا اتبع الاه .... بالآه
ماهيب من حلقي ..من اقصي المحاني



قرب الرحيل

قرب الرحيل .. وخاطري منك ماطاب
ياواحد عندك .. حياتي رهانه
وان قيل ..ابدل احباب باحباب
قلت آه .. لكن من يسد بمكانه

دموع عينك

ليتني ماشفت في عينك دموع
منظر الدمعه على خدك هلاك

الشاعر للابيات السابقه الامير :عبدالله الفيصل


وللموسوعه بقـــيه تـــــــــــابــــــــــعونـــــــــــا...... ..

الــســلام عــلــيــكــم ورحــمــة الله وبــركــاتـــه،،

مــجــهــود كــبــيــرقــمـــتَ بــه لــجــمــع هــذه الــكــمــيــة الــهــائــلــة مــن الأبــيــات،،

ولــكــن حــبــذا لــو وضــعــت تــحــت مــجــمــوعــة اســم صــاحــبــهــا،، وذلـــك

احــتــرامــاً لأصــحــابــهــا،، وأيــضــاً تــســهــيــلاً لـلأعــضــاء الــكــرام الــذيــن

يــرغــبــون فــي اقــتــنــاء دواويــن أولــئــك الــشــعـــراء،،،،،، وشــكــراً.

شاكر لك مرورك وتعقيبك والاطراء وانشالله الاضافه الجديده رايح يكون اسم الشاعر تحت كل بيت شعر


تقديري واحترامي...........

يسلمووووووووووووووووووووو فيض

موضوع جميل

وفكره حلوه

شكرا لك على النقل الجميل

ومزيدا من فيض المشاعر ..

يا فيض المشاعـر .







اخوك قطر السماء

خاص جدا
قطر السماء

شاكر مروركم وتفاعلكم




نجتهد لرضاكم

جهد جميل الصراحة ،،

لا كلت يمينك