الزين يبقى زين ..... والشين,,,,,,,,,,,,؟

عاشق الياه · #1 **07-04-2006, 01:01 AM**

[move] لاغاب يوم وجاه ليل ٍ يلوفه ....... على الأمل نرقب سنا فجر وضاح[/move]

[move]ومهما ابتلينا بالندم والحسوفه .... و انتابنا عقب الفرح هم وجراح[/move]

و همومنا باتت علينا كلوفه ........ و أحلامنا طارت بعاصوف و رياح

مهما قست الأيام تلفي عطوفه ...... ولابد كابوس الألم يوم ينزاح

{{{{{{{{{{{{{{ عاشق الياه }}}}}}}}}}}}}

تحية حب وأحترام لجميع أعضاء المنتدى الأعزاء
بصراحه ماعرف اعبر لكم عن اعتزازي بوجودي بهالمنتدى وكيف اني ما اصدق اني احصل فرصه عشان ادخل المنتدى بسبب شغلي وسفري الشبه دائم وارجو منكم اختلاق العذر لي في حين تأخرت عن المشاركة او الرد على مشاركاتكم و هذا بعض من قديمي اتمنى ان ينال اعجابكم,,,,,,,,,,,,,,,,,,,,,,,,,,,,,,,,,,,,,,,,,,, ,,,,

يامن جهلت وكن مابك حواسي ........ وغديت صخره مابها ذرة احساس

ما عدت الاول مثل ماكنت حاسي ..... حولت من مرقاك موطي بمنكاس

جرحت من داواك والجرح قاسي ....... وش فيك مدري غير عن كل الاجناس

قلي علامك وش بلا صرت ناسي ..... وتلعب على الحبلين لعب ٍ بلا قياس

قتلت حبك والغرام القياسي ......... وهدمت كل اللي بنيته من الساس

و أوهمت نفسك بالحلوم العماسي ..... كنك خلقت مميز ٍ بين هالناس

تلعب بالاول تحسب انك اساسي ....... واليوم جاك اتبدل الحلم وسواس

وانهارت اسوارك وذيك الرواسي ........ وأمسيت تضربها على اخماس باسداس

عارت خيولك عقب شد المراسي ...... لا بالرسن قرت ولا عسف سياس

وطير ٍ لك أول عشعش بكل ساسي .... كفخ جناحه واختفى فوق الاطعاس

والله خلق مثلي حليم وسياسي ....... و شرواك واجد من عديمين الاحساس

دربك سهل ماعاد لك شي براسي ..... ولا بقـى بالقلب عـــــز ٍ و نومـــاس

اشرب تجرع طعم كاسك وكاسي ....... جرب تذوق حس لى كنت حساس

ذوق المرار وخل قلبك يقاسي ......... هذا شرابك يا حلو نفسها الكاس

والزين زين ولو برث اللباسي ........... والشين شين ولو ترصع بالالماس

{{{{{ عاشق الياه }}}}}