من قلبي
ادري وش نوى فيني تبعته لآخر دروبه الين ان القمر قد غاب تعب قلبي ولا تعبت مسافات توديني لقيت الليله الجردا هدب وظل وسماء واعشاب بعد ذاك الظلام اللي يتوهني عناويني صدفتك معجبه فيني ويا ليت الغرام اعجاب وتراك انتي الهنوف اللي هقيتك تستحقيني عطيتك عشق من قلبي وسلمت لغلاك ارقاب وغيرك يحترق قلبه ولا يقدر يحاكيني
انا قبلك صدفت عيون ولكن وش جاب لجاب ترا كل العيون اللي لقتني ما تكفيني رماني حظي العاثر عليك وجيت لك طلاب ولا انتي اللي عشقتيني ولا انتي اللي عتقتيني تعالي ورحمي ذاك الخفوق المولع المرتاب مهوب لجلي عشان الله يجازيك ويجازيني تعدي في سماء عشقي ولو عشقي خراب اصحاب وصوني بالهوى نفسك قبل لــنتي تصونيني وشيليني على متنك خفوق باري منصاب ومن فوق الغرام العذب شيليني وحطيني ولامنك هقيتيني شجاع وما يطيق يهاب انا لك بالهوى والله مثل منتي هقيتيني انا ترى ما امشي ورى غيرك ولو انه يطق الباب وترى عيب علي اطعن ولو كثرة سكاكيني زهود ما يطيق الدم لا داين ولا طلاب شجاع وعارف نفسي غيور ما عرفت اظحك مع الغدر ببرود اعصاب ابيع عيوني الثنتين قبل انك تخونيني واذا اشتد الغرام اترك خفوقي بين نار ونار لفرقى تحرق ظلوعي ولا وعشق يوطيني انا رجل ولي غيره واذا شفت ان الهوى كذاب تثور بقلبي الفزعه ولا تهدى شياطيني سؤالك لو يزعزع بي كياني ماقبلت عتاب اجيلك واسألك نفس السؤال اللي سألتيني عن العشق القديم ابواب وتكفيها كثير ابواب بعد ذاك الحبيب اللي غدعني وانخدع فيني ابي عشق تحسب له كل نظرات العيون حساب وابي قلب على قلبي وابي كلمة عهد توفي ولا تخلف بدون اسباب وابي منك قبل لنتي تصديني توديني وابي درب على العذال صعب ومتعب وغلاب وابي نفس الطريق الصعب يبعدهم ويدنيني ترا لولا القلوب عيون ولدموع العيون اهداب حشا ما تنزل الدمعه لغيرك لو تركتيني انا اول من عرف قدرك ونا توي صغير وشاب وابي منك مدام انك عرفتيني تحبيني مدام اني لقيتك في طريق اسمه غرام احباب دخيل الله وبعد الله دخيلك لا تخليني مدام ان كل من يحيا على وجه التراب تراب عسى تنساني الدنيا مدام انك ذكرتيني .
|
العرض العادي
