دروبي كم خذتني..! / كم عشقت وكم نسيت أحبـاب
وكم تاهت بـي الخطـوه قبـل تحضنّـي أوطانـك !!
قَبِل يسري بروحي عطرك الورد / الشـذى / المنسـاب
قَبِـل تهتـزّْ روحـي كلمـا هزّيـتـي أغصـانـك !!
عرفتِك وانكتب لي عُمْر..! / ما هـو عُمـري الكـذّاب
عرفتِك وابتـدت روحـي تـذوب بعطـر هتّانـك !!
قطفت من الأمل زهره../ لبسـت مـن النقـا جلبـاب
غرست القلب في حبِّك وعفـت النـاس مـن شانـك
تنفّست الغـرام وذعـذع الشـوق لْـسنـاك أطيـاب
وغنّيت الجروح ../ ودوزنَـت روحـي علـى أوزانـك
أشوفك ناس ../ دنيا../ عُمْر../ جنّه../ مملكه../ أصحاب
أشوفك كل شي ../ وكـل درب وقلـب عنوانـك !!
تعالـي والمسـي قلـبٍ تمايـل فــي هــواك وذاب
تعالـي وامزجـي شوقـه بنفحـة مسـك ريحـانـك
تعالـي يـا أميـرة قلبـي إنتـي وارحـمـي المـرتـاب
تعالـي بّـددي خوفـي../ ذبحنـي ليـل حرمـانـك !
تعالي يا بَعَد من جـا ../ تعالـي يـا بَعَـد مـن غـاب
تعالـي قبـل لا يصهـر فـؤادي جمـر هجـرانـك !
تعالـي خافقـي بعـدك تفطّـر بالـغـرام وشــاب
تعالـي والله إنّْ المـوت عنـدي قـبـل نسيـانـك !!
تعالـي مـا قويـت أكبـح جمـاح الخافـق الـوثّـاب
تعالـي واشعلـي قلبـي تـرى محـتـاج نيـرانـك !!
تعالـي والله إنّـي بانتظـارك فـاتـحٍ لــك بــاب
أبـي كلمـه وتلقينـي رميـت الـروح باحضانـك !!
[color=#CC0000]
من ثنايا الايميل
<div align="center">waleedh_15@************</div>
|
العرض العادي
