نهاية الحب[الأخير]

[ملــــ‏ الرومانسيةـــك]

تخرجت الجوهره من الكليه واشتغلت معيده في نفس الكليه لان معدلها ممتاز واستمر نجم مشاري بالصعود في المراتب الوظيفيه واصبح له شأن ورزقهم الله بزهرة حياتهم وشمعتهم ببنتهم اللي اتفقوا على تسميتها ((ريم)) واستمر الحب بينهم اشد من الاول كان يتمنى رجعته للبيت باسرع وقت وكانت تتمنى الجوهره طلته عليها كانت تنجن اذا سافر بمهمه للعمل وكانت بنتهم ريم طفله رائعة الجمال فيها من امها وابوها الشئ الكثير وكان اكثر الناس تعلقا في ريم هو خالها فهد وكان خالها فهد يغرقها بالهدايا لانه ترك المجال الحكومي واتجه للتجاره وفتح لها موسسه كبرت مع الوقت واصبحت شركة ذات شأن وكان اجمل اوقاتها اللي يقضيها عند بنت اخته وبنت صديقه ريم وكانت البنت اشد تعلقا بخالها من ابوها وامها

في يوم عرض فهد على مشاري مرافقته الى احد الرحلات اللي يجيب فيها عمال ويخلص فيها فيز لشركته منها يغير جو ومنها يسترجعون ايام اول رفض مشاري في البدايه وامام الحاح حبيبة عمره الجوهره وافق على مضض

سافروا واتجهوا الى الشرق وفي ليله كان قاعد فيها مشاري في جناحه في الفندق دخل عليه فهد وهو يقول الليله ابخليك تنسى كل شئ قاله مشاري من قالك اني ابنسى ان مبسوط بحياتي يا فهد ولا ودي انسى اي شئ الا هاللحظات اللي اكون فيها بعيد عن بيتي وزوجتي وبنتي ضحك فهد وقال ((يا عم انسى)) وهم يتكلمون طق الباب راح فهد وفتح الباب وكان الطارق بنتين او ملكتين من ملكات الجمال بنت رائعات الاجسام والقوام ومغريات الى درجه لا تصدق دخلوا وقعدوا في الصاله وهم يتبادلون الحديث كان مشاري يتمنى لو يغمض عيونه ويهرب من هذا الموقف لطالما هرب ايام عزوبيته من فهد ومواقفه ولكنه الان لا يستطيع الهروب انتهت تلك الليله ولم يستطع مشاري كبح جماح شهوته رغم انه حاول ولكن فهد لم يترك له مجال للهرب في اليوم التالي جن جنون مشاري مما حدث وقال لفهد((حرام عليك اللي سويته فيني)) ضحك فهد وقال(( يا رجال ما احد بيدري فيك خلاص انسى ولا تصدعنا)) قال مشاري ((انا الغلطان اللي وافقتك وتركت زوجتي وبنتي وحطيت نفسي رخيص ولا اسوى التراب اللي تمشي عليه اختك )) قال فهد (( يا ابن الحلال اعتبرها المره الاولى والاخيره توقعتك بتنبسط وبتوسع صدرك ونتذكر ايام الشقاوه مع بعض)) قال مشاري(( انا ما ادري يا فهد انت كيف تطاوعك نفسك وتسويها في اختك))

رجعوا للبلد ونسى مشاري اللي حصل وعاهد نفسه انه ما يقرب للحرام ابد وهو وش يبي من الدنيا الا زوجه تحبه كل انسان يتمنى وحده مثلها وبنت تسوى حياته اللي هي ريم وعمل هو ناجح فيه وله مستقبل مشرق فيه وغير كذا رضا ربه ووالدينه اللي كان سبب لتوفيقه في حياته

بدات الجوهره تحس بحاله غريبه واصبحت كثيرة الغثيان وتدوخ اخذها مشاري للاخصائي فهو يتمنى المرض لنفسه ولا تكح الجوهره حتى مجرد الكحه من فرط حبه لها وانتظر في الخارج وطولت مع الاخصائي وفجأة وهو يفكر اقبلت عليه الجوهره وهي تضحك وتقول له مبروك يا حبيبي انا حامل ضحك مشاري وهو غير مصدق من فرط الفرحه كان يقول في نفسه ابشري يا ريم بيجيك اخو او اخت يسلونك في وحدتك وكان وده يحظن الجوهره ويقبل يديها وراسها رجعوا للبيت وانتشر الخبر وجاء فهد يبارك وهو يقول((ان شاء الله هالمره ولد علشان نسميه حكيم مثل ما اتفقنا اول ما تزوجتوا)) اخذوا يضحكون من فرط السعاده التفتت الجوهره لا اخوها فهد وهي تقول(( وانت يا فهد متى الله بيتوب عليك ونشوف عيالك)) جاوبها(( والله قريب يا جوهرتي خلاص انا ودي استقر وكفايه شقاوه ابشوف عيالي مع اني ما اظن ان فيه احد بيصير في غلا ريم ابد))

بعد كم يوم كان مشاري في سيارته باتجاه البيت خارج من العمل دق عليه رقم غريب اول مره يشوفه رد وكان المتصل دكتور من المستشفى طلب حضوره استغرب مشاري واتجه صوب المستشفى وهو يقول الله يجعله خير ان شاء الله

قابل الدكتور وكان الدكتور في حال يرثى لها سكر الباب وجلسوا لوحدهم وقال الدكتور يا مشاري لازم نسوي لك فحص دم استغرب مشاري وهو يقول ليه يا دكتور وكان الدكتور من اصدقاء مشاري وفهد قال الدكتور مجرد فحص يا مشاري لا تخاف انت المفروض تفحص كل فتره يبي يحاول يهديه ومشاري في حالة ذهول كامل ما يدري وش السالفه وافق مشاري وسوى الفحص وقعدوا يشربون شاهي ويتذكرون سوالف اول وهم يضحكون على المواقف اللي كان فهد يسويها وهم مستغرغين في الضحك دق التلفون وكان من المختبر وذهب الدكتور وغاب لمدة نصف ساعه ومشاري قاعد في الغرفه ينتظر ما يدري وش السالفه دقت عليه الجوهره وهي مستغربه تأخره عليها وعلى ريم وانهم ينتظرونه على الغداء فقال لها يا حياتي انا اسف نصف ساعه وانا عندكم سكر السماعه وهو ينتظر الدكتور

دخل عليه الدكتور وهو في حالة اشبه ما تكون بحالة المصدوم او المكلوم وفي عيونه دمعه لا تستطيع ان تخرج من عينيه التفت عليه مشاري وهو يقول يا دكتور وش فيك وليه هالحزن باين عليك من نصف ساعه وحنا نضحك وش اللي غيرك قرب منه الدكتور وهو يقوله (( مشاري اللي اعرفه عنك انك انسان مؤمن بقضاء الله وقدره)) اصيب مشاري بحاله من الرعب والهلع وهو يقول(( يا دكتور يكفي اللي تسويه علمني وش فيني)) فرة الدمعه من عيون الدكتور وحط يده على كتف مشاري وهو يقول (( يا مشاري انت مصاب با الايدز)) (( ايدز ايدز ايدز)) قال مشاري(( يا دكتور انت مجنون ولا صاحي انا مصاب بالايدز)) قال له الدكتور(( بكل اسف يا صديقي انت مصاب بمرض نقص المناعه المكتسبه)) اخذ مشاري يبكي ويولول مثل الحريم اخذ يلطم وجهه اخذ يصرخ (( ايدز لماذا لماذا لماذا انا)) جن جنونه واخذ يبكي كالطفل الرضيع وهو يقول (( ماذا جنيت ماذا جنيت حتى اصاب بالايدز)) وتذكر على طول سفرته مع فهد واخذ يبكي اكثر واكثر والدكتور لا حول له ولا قوة صديقه الدكتور يريد من يهدئه هو فكيف بصديقه مشاري

اخذ يصرخ مشاري وهو يقول(( يا دكتور الله يرحم والديك تاكد من فحصك الله يخليك لا اهلك تاكد حرام اللي يصير ليه الايدز ليه ليه ليه)) اضطر الدكتور انه يضربه بابره مهدئه ومخدره ونام مشاري

افاق والدموع تنتثر على وجنتيه وهو يبكي وينظر للدكتور وهو يقول(( وش سويت بحياتي علشان ربي يعاقبني كذا واخذ يبكي كالمرأة)) قال له الدكتور هذا قضاء الله وقدره وانت انسان مؤمن بالله وانه هو الشافي اخذ مشاري بالبكاء اكثر وهو يقول(( يا دكتور والان وش اقول للجوهره ووش اقول لبنتي ريم)) صمت الدكتور وهو يتمنى ان تبلعه الارض ولا يكمل بقية المفأجأة ومشاري مستمر بالبكاء والنواح التفت مشاري عليه وهو يقول (( جاوبني يا دكتور وش اقول لشريكة عمري وش اقول وش اقول)) تشجع الدكتور وقال(( مع الاسف يا مشاري شريكة عمرك انت نقلت لها الايدز وهي مصابه به هي والطفل اللي في بطنها)) اغمى على مشاري من هول الموقف واصيب بجلطه بالقلب فقلبه لم يحتمل المزيد من الالم وعيونه لم تستطع ان تكون قادره على اخراج الدموع

جن جنون الجوهره حينما عرفت ان مشاري اصيب بجلطه في القلب واخذت تبكي وتبكي وتبكي فوق راسه في العنايه المركزه وهي تقبل راسه وقدمه وتقول (( فديتك يا روح الجوهره ياليتها فيني ولا فيك)) وهي المسكينه لا تعرف ماذا يخب القدر لها ولعائلتها

افاق مشاري واخذ ينظر لمن حوله وعرف انه اصيب بشلل نصفي بجسمه ولم يعد قادرا على الحركه وطلب حضور الدكتور وقال له وهو يبكي ارجوك ارجوك ارجوك يا دكتور استر علي وعلى عائلتي من الفضيحه الله ابتلانا ولا رد لقضاء الله وقدره وعاهده الدكتور على ان يكون هذا سرا بينهم حتى الدكتور لم يستطع ان يمنع دموعه من الخروج من عيونه اهذا هو مشاري الشاب النشيط الحالم الطموح اصبح بانتظار الموت ليت مشاري يتحمل موته هو ولكنه يتخيل موت الجوهره وطفلها الذي باحشائها بسبب لحظات متعه زائفه وبائسه

حينما شاهد مشاري الجوهره عانقته واخذت تبكي وهي تحظنه وتقبله وهو يبكي ويبكي حتى الجوهره استغربت حال زوجها وبكائه وحاولت ان تمنعه وتذكره بانه مشاري الانسان المؤمن وتقول له بان وضعه مؤقت وسيعود افضل من اول وهو يبكي ويناظر لعيونها

في يوم خروجه من المستشفى جاء اليه فهد والجوهره ليصطحبوه الى البيت كان فهد يقول ساخذه الى جميع مراكز العلاج الطبيعي في العالم وبانه سيعود افضل من اول كان فهد يضحك وكان الحزن يعتصر مشاري كان يقول في قرارة نفسه (( انت السبب يا فهد في تعاستي وتعاست هالانسانه اللي بجنبك انتي اللي جنيت علينا وانت اللي بتدفنا بيديك ويناظر للجوهره وهو يقول لها في قرارة نفسه وبلغة العيون(( سامحيني سامحيني سامحيني يالجوهره)) وكان يتخيل طفلته ريم وهو يقول في نفسه(( سامحيني يا بنتي انا اللي ضيعتك الله يوفقك في حياتك ويستر عليك في طريقك يتمتك من بدري كنت اتمنى تعيشين في كنفي وفي حظن ابوك اللي يحبك سامحيني ياريم )) (( سامحوني يا احلى اسمين في الوجود الجوهره وريم))

فجأة خرجت عليهم شاحنه من الاتجاه المعاكس وحاول فهد ان يتفادى تلك الشاحنه ولكنه لم يستطع فصطدمها من الامام وانقلبت بهم السياره واخرجوهم منها ولكن كان قضاء الله وقدره كانت الامنيه اللتي طلبها مشاري ان يموت هو والجوهره وفعلا فاضت روح مشاري والجوهره الى بارئها بسبب الحادث وقدر الله وخرج فهد ولم يصب الا برضوض واخذ يبكي وهو يخرج جثة حبيبة عمره اخته الجوهره وصديق عمره وحبيبه اللي هو مشاري واخذ يبكي وهو يحث التراب على راسه وهو يقول(( سامحوني يا اطهر جسدين سامحوني سامحوني))

دفنوا مشاري والجوهره بقبرين جنب بعض كما كانوا جسدين في الدنيا رحلت ارواحهم الى بارئها ودفن مع مشاري السر الذي لم تعرفه شريكة عمره وحبيبته الجوهره ودفن معهم طفل قدر الله له ان لا يولد كي لا يتعذب وقدر الله ان يعيش فهد لكي يبقى الاب لريم اليتيمه

الله يصبرك يا ريم الله يصبرك

تذكر متعه لحظيه فيها دمار للنفس ودمار للعائله ودمار للاخلاق

((منقـــووووول))

[ariam2121]

قصة رائعه ومؤثره ... هل هذي قصه حقيقيه

[ملــــ‏ الرومانسيةـــك]

نعم ياغالية القصة حقيقية ومشكووووووورة على التفاعل مع القصة

[شاعر متمكن]

حلوه القصه ونتمنى المزيد

[ملــــ‏ الرومانسيةـــك]

مشكورأخي على المرور ودمتي بخير

[شاعر متمكن]

ودومتي؟؟؟؟؟؟؟ أنا رجل هههههه

[امال كريم]

اخي العزيز ملك الرومانسية


شكرا لنقلك لهذه القصة الرائعة والجميلة التي حملت بطياتها اهم العبر واولها
الابتعاد عن صديق السوء لانه لابد ان يلحق بصاحبه الضرر حتى لومن غير قصد
لكن برأيي ان يكون اسم القصة نهاية حبيبين لأن موتهم لايعني نهاية حبهم
فربما يحشرون معا في الاخرة والله اعلم

[ملــــ‏ الرومانسيةـــك]

شكرا لكي ياامال على مرورك وردك*الأكثر من رائع كما عهدتك تقبلي تحياتي

[محمدطاحون]

قصه جميله جدا وكلها عبر وعظات نتمنى منك المزيد دائما تقبل مرورى

[ملــــ‏ الرومانسيةـــك]

شكرا على مرورك والقادم أحلى وأحلى ان شاء الله