هلاااااااااااااااااا هلااااااااااااااااااااا والله
حياكم ربي والله نورتو موضوعي صدق عندكم ذوق
بصراحه هاذي أول مرة أكتب موضوع وإظاهر والله أعلم أنها أخر مره بس قلت كل من هب ودب كتب خلنا نجرب حظنا والواحد لازم يجرب ومايتوقف عند أول فشل
=============> وش عندها فوزيه الدريع
أقولكم سولافتي إلي ماخليت واحد أعرفه ألا قلتها له وباقي أنتم قلت صعبة أتصل على كل واحد فيكم أعلمه تعب علي وتبون الجد
مصاريف على قل سنع والله ماأمر بالأسراف
<<< ماتعرف تصرف هالحضرميه
الموهم سولافتي ياطويلين العمر أني في مرة من المراريت رحت لمركز الحبيب "" عارفه بتقولون سلامات عسى ماشر وانتم تبون تعرفون ليه رايحه من زود اللقافه ""
ياحبيلي أنا طيبه وبتكرم وأقولكم
===========> من قال قولي لنا يالغثاء
<<حالفه ألا تقول ... هاذي الله يسلمكم معدتي كأن بها مرّ " بالشد المدغم " والله من أكل هالاندومي وهالشطه طالعه اندونيسيه وسيلانيه بنفس الوقت
قلت يابت روحي تلاحقي عمرك لاتجيك أنفلونزا الطيور وتفطسين محد جاب خبرك
وأروح لدكتوره ......... "" الاسم محجوب عشان ماأسوي لها دعاية وهي ماتكرمت ولاغطت مصاريف الاعلان ""
<< مافيه أنذل منها
بس انتم اذا ودكم تروحون لها أتصلوا على المركز وقولوا نبي موعد عند دكتوره جهاز هضمي وهم ماراح يقصرون بيتمسكون فيكم برجولهم ويديهم لأن ماعندهم ألا هي ...
<<ياحبها للسوالف
الموهم بعد ماطلعت منها ويروح أخوي ياخذ لي موعد للأسبوع الجاي " والله مافيني شئ بس هالدكتوره ودها بالفوس على غير سنع
وأروح أنا أنتظره بالإنتظار شوي ألاّ بنت مقبله لابسه عبايه مخصره تقولون جلابيه وذابه طرحه خفيفه مال أمها داعي على وجهها ولابسه تنورة تحت الركبه "" بتقولون وش دراك ؟؟ لأنها الشيخه تمشي والعباية تهفهف حواليها ولاهمها أحد
وتعطيها من العمر 25 سنه وتجي وتجلس جنبي " ياقردي "
شوي وتجي ثنتين أيضا على شاكلتها بس متلثمات وحاطات شدو ازرق تشوفه عن بُعد ميتين متر
ويجون يجلسون موب جنبي لا جنب الي جلست عندي وقعدوا يسولفون معها وصاروا يعرفونها والأردى اني أكتشفت أنها صارت اختهم الكبيره
وتجي وحده من هالمتلثمات وتكشف وجهها ويااااااااااااااااااااااااليتها ماكشفت
<< ارتعت والله منها خشمها " الحمد لله والشكر متر في مترين " والمشكله وجهها له لونين يعني من العيون وطالع أبيض ومن تحت العيون ونازل سمراء مع سواد خفيف "صدق المكياج يسوي العجب "
وتجي تنفش كشتها إلي لونها ماادري أحمر أو برتقالي " هو واحد منهم مايبعد عن هاللونين وتراه يميل لتركواز ان كان مانسيت
=======> عليك وصف
يؤ نسيت اوصف لكم المكان خل اشرحه كيف اول شئ فيه كراسي قدامها بارتشن والزاويه كانت قزاز " قزاز = زجاج
العذر والسموحه ثقافتي فرنسيه " يعني الي برا يناظرون الي جوا "" صفقوني اذا فهمتو
"
الموهم شوي ويجي أثنين أشكالهم يالله لك الحمد مثل شباب هالوقت "" وما أعمم عشان ماتطبون في بطني "
لابسين بناطيل يدخل فيها اثنين وتي شيرت اللوان عجيبه ماادري وشلون اجتمعت اما الشعر فمشبص كأن احد مروعهم ههههه
وتجي الي كشفت وتأشر لهم ويوقفون ويوزعون أبتسامات " الله يعينهم بس على أنفسهم " وترقمهم عيني عينك ماهمها أحد من إلي جالسين معها ......
والطامه يوم نطقت أختها الي ينقال عنها كبيرة وقالت لها : بعدين ترقمينه مو الحين شوفي كيف يناظرونك؟؟؟؟
<<كانت مطيره عيونها فيهم
قالت : ماهموني ومحد له شغل فيني " مو كأنها تقصدني ولا يتهيئ لي
"
عاد انا هنا طنقرت " طنقرت = مصطلح يستخدم لشخص لما يعصب ولا يقدر على فعل شئ "حلوه هالجمله متعوب عليها "
المشكله ان فيه حرمه عجوز مقعده على كرسي متحرك تشوف هالداجه وحركاتها الي ترفع الضغط ومالها حيله غير انها تستغفر ربها...
شوي ألا ويدق عليها أبو الشباب عاد أهي ضحكتها شاقه وجهها وتلبس طرحتها " زين كلفت عمرها" وتطلع له
عاد انا رحت لأخوي وعلمته السولافه كلها مثل ماقلت لكم بتفصيل الممل
<<ماتمسك بلسانها شئ
عاد هو عصب أكثر مني وقال : ليه مارحتي وعطيتيها كف ؟؟ قلت : ودي بس خفت منهم يسوون فيني شئ ذولا ماخافوا من ربهم تبيهم يخافون مني ؟؟؟؟؟؟؟؟؟؟؟؟؟؟؟؟؟؟؟؟؟
هالسالفه يمكن يعتبرها البعض مكرره والبعض بيعتبرها عاديه بس في كل هالحالات .............
بذمتكم لو كنتو في مكاني إيش سويتو ؟؟؟؟؟؟؟؟؟؟؟؟؟؟؟؟؟
أتمنى إن سولافتي كانت خفيفة ظل على قلوبكم ...[color=#FF0000][size=2][size=4]
الف شكر لكي وحنا ما سوينا شئ 
العرض العادي
