 |
 |
|
 |
|
|||||||||||||||||||||||||
|
|||||||||||||||||||||||||
|
|||||||||||||||||||||||||||||||||||||||||||
 |
 |
 |
 |
|||||||||
 |
|
 |
||||||||||
 |
 |
|||||||||||
| منتدى القصص الواقعيه قصص عربية , قصص حقيقية , قصص غراميه , قصة محزنة , قصة مؤثرة , روايات , قصص الانبياء , قصص واقعية , قصص موروثة , حكايات عربيه , قصص طريفه , قصص السيرة , قصص الأغبياء , قصص حزينة |
 |
|
|
LinkBack | أدوات الموضوع | إبحث في الموضوع | انواع عرض الموضوع |
07-07-2008, 08:43 PM
|
#1 |
|
عضو مميز vip
تاريخ التسجيل: Feb 2008
المشاركات: 1,415
 |
(¯`*•.¸,¤°´خالــــد و بنـــدر..قصة رائــعة بجـــد`°¤,¸.•*´¯)
السلام عليكم..!!
بدون مقدمات..!! قصة حلوة أقروها لا تفوتكم.. على فكرة.. القصة حقيقية.. وهي على لسان واحد اسمه بندر.. الجزء الأولـ.. الصداقة من أقوى العلاقات الانسانية.., علاقة يميزها أنها تجمع عدة مشاعر وأحاسيس في إطارها مثل المحبة ،التضحية وغيرها.. يمكن أغلبنا أو أقدر أقول يمكن كلنا حصلت له مواقف مع أصدقاءه.. منها الحلو ومنها المر.. منها اللي تقوي العلاقة ومنها اللي تنهيها.. قصتي تتكلم عن هالموضوع.., تقدرون تقولون إنها تحمل مشاعر أكثر من إنها أحداث.. لكني قررت بعد تفكير طويل اني أعرضها للناس عشان يستفيدون منها.. إحنا كمجتمع للرجال حدود الصداقة غالبا معروفة عندنا.. وأغلبها تكون للوناسة والمصلحة.., أنا ما أقول الكل بس أكثرها لكن اللي صار معي شي ثاني وهاذي قصتي.. في عام 1408هـ.., كنا تونا منتقلين للرياض والدراسة بدت من اسبوعين تقريبا.. كنت في سنة رابع ابتدائي دخلت فصلي الجديد وسوا الاستاذ تعارف بسيط بيني وبين الطلاب.. لما جا وقت الراحة طلع الجميع إلا أنا.. دخل ولد اسمراني شعره حوسة واسنانه الاربع الامامية اللي متكسر واللي طايح.. مشمر أكمامه ووجهه كله مخوش وحالته لله إلا إنه رغم كل هالبلاوي فيه شيء يخليها مو باينة!!.. قعد يحوس في شنطته ساعة وكل دقيقة يطلع خرابيط وكل شوي يرفع عينه عندي.. وأخيرا طلع منها نبيطة.. وقبل لا يطلع التفت علي وكان من النوع الي كنه بينطحك وهو يطالع.. منزل راسه شوي ومعبس طول الوقت بس كانت بريئة أكثر من إن تكون مرعبة!! وقال بلدغة طفولية سببها واضح وهو أسنانه اللي حالتها صعبة:أنت الحين ليش جالس لحالك..؟؟ كانت هاذي أول جملة سمعتها من الانسان اللي صار بعد كذا أغلى البشر على قلبي.. كان معروف عني إني انطوائي ومنعزل هاذي طبيعتي حتى اني اتوتر لما يكلمني أحد ما اعرفه.. رديت عليه: بس كذا أنا ما أبي أطلع وبعدين أنا ما أعرف أحد هنا.. وبنفس النظرات اللي والله أعلم إنها كانت عادة عنده.. تعال معي وأنا أعرفك على نص اللي في المدرسة.. كان يجرني من يدي وأنا أسحبها بخوف.. لا لا أنا كذا مرتاح قلت لك ما أبي اطلع.. لكن الولد أصر لين طلعني معه بالغصب.., وزي ما قال عرفني على نص المدرسة تقريبا.. لكن تبون الصدق حسيت اني تعلقت فيه هو!! يمكن عشان شخصيته عكسي تماما اجتماعي, خفيف دم والكل يحبه ويحاول يتقرب منه.. صحيح إنه كان شيطاني ومشاغب لكنه ماكان يتعدى على أحد!! حسيت إني مبهور بشخصيته ورغم أنه ذكي جداً إلا أنه في الدراسة ما كان بالحيل.. بس كان يعرف يمشي عمره من يومه صغير.. وعلى كثر الأولاد اللي يعرفهم إلا أنه بعد تعلق فيني فوق ما تتصورون.. صرنا ما نتفارق أبد ولا يشوفون واحد فينا بدون الثاني.. مرت السنوات وصداقتي تزداد قوتها مع خالد.. هاااااااااه الله الله بالردود.. ترى حتى الآن ما صار شي.. ترقبوا الجزء الثاني.. |
|
|
|
07-07-2008, 08:55 PM
|
#2 |
|
عضو مميز vip
تاريخ التسجيل: May 2006
المشاركات: 5,613
|
مشكور علي القصة حلوة موت وأنا بنتظار الجزء الثاني
تحياتي |
|
|
|
|
07-07-2008, 09:53 PM
|
#3 |
|
Guest
المشاركات: n/a
|
شكرررررررررررررراً على القصه ونحن بالنتظار
|
|
|
|
07-08-2008, 07:13 PM
|
#4 |
|
عضو مميز vip
تاريخ التسجيل: Feb 2008
المشاركات: 1,415
|
saosan وووو Wizard-M.J
شكراً على مروركم الطيييييييييييييييييييييييب افااااااااااااااااا بس ردييييييييييييين وين الاعضاء
__________________
من مواضيييعي [عزيزي الزائر يتوجب عليك التسجيل لمشاهدة الرابط للتسجيل اضغط هنا] كل المواضيييييييييع الجمييييله هنا [عزيزي الزائر يتوجب عليك التسجيل لمشاهدة الرابط للتسجيل اضغط هنا] من اروع القصص [عزيزي الزائر يتوجب عليك التسجيل لمشاهدة الرابط للتسجيل اضغط هنا] |
|
|
|
|
07-08-2008, 10:53 PM
|
#5 |
|
عضو مميز vip
تاريخ التسجيل: Feb 2008
المشاركات: 1,415
|
يا شبـــــــــــــــــــــــــــــــــــــــاب وبنـــــــــــــــــــــــــات معقووووله مافي الا ثنين يقرووون القصه
يلا ابغى ردووود
__________________
من مواضيييعي [عزيزي الزائر يتوجب عليك التسجيل لمشاهدة الرابط للتسجيل اضغط هنا] كل المواضيييييييييع الجمييييله هنا [عزيزي الزائر يتوجب عليك التسجيل لمشاهدة الرابط للتسجيل اضغط هنا] من اروع القصص [عزيزي الزائر يتوجب عليك التسجيل لمشاهدة الرابط للتسجيل اضغط هنا] |
|
|
|
|
07-08-2008, 10:59 PM
|
#6 |
|
عضو مميز vip
تاريخ التسجيل: Feb 2008
المشاركات: 1,415
|
الجزء الثاني..
مرت علينا سنين الطفولة والمراهقة وحنا سوى.. ودخلنا الجامعة وتخرجنا وحنا ما عمرنا تفارقنا.. حتى في السفر ما أذكر إن واحد سافر بدون الثاني الا اذا كانت السفره مع الاهل.. أغلب الناس اللي يعرفونا يحاولون ياخذونا قدوة وكثير منهم يضربون المثل في صداقتنا.. يمكن تتسآءلون وش سر هالصداقة العميقة؟!! شي واحد كنا نطبقه بدون ما نحس من يوم حنا صغار.. شي عجزت أغلب الناس إنها تفهمه في تعاملها مع بعض.. وهو إن كل واحد فينا كان متقبل الثاني بكل ما فيه من العيوب.. ولا عمر واحد فينا حاول يغير الثاني ويمشيه على طريقته برغم الإختلاف الكبير بينا.. خالد كان فيلسوف بالفطرة وبسبب علاقاته الكثيرة كنت أتعلم منه كثير.. لما أسأله كيف يقدر يجمع كل هالناس حوله كان يقول كلمات بسيطة لكن تركت فيني أثر كبير.. كان يقول: اسمع يا بندر.. الناس لها مشاكلها وكل واحد في هالدنيا صدقني منشغل في نفسه ولا أحد تهمه مشاكلك فإذا تبي الناس يحبونك.. انسى نفسك وفكر فيهم وكيف تساعدهم في حياتهم بقد ما تقدر.. قصتي الاساسية اللي أبيها توصلكم مو في كيفية صداقتنا.. لأني مهما شرحت ما راح أقدر أوصلكم مدى عمقها لكن الحدث اللي قلب حياتي ولا أظن ترجع زي ما كانت.. في يوم أربعاء جاني خالد للإستراحة اللي نجتمع فيها مع الشباب.. والفرحة مبينة في عيونه وسحبني من بينهم.. -تعال بندر أبيك في كلمة راس..لما صرنا برى.. -عندي لك مفاجأة.. وابتسم.. أنا ذاك الوقت اللي يشوف وجهي يقول خبل، أناظر فيه وفاتح فمي.. كمل كلامه: أبشرك الوالدة خطبت لي!! في هاللحظة حسيت كأن أحد عطاني كف على وجهي.. -ايييييييييييييييييييش؟؟؟؟!!!!..طالعني بنفس طريقته يومه صغير واللي ما تغيرت أبداً.. -وراك تقولها كذا كنك مو مبسوط... وبإرتباك رديت: لا مبسوط بس أنت فاجأتني وصدمتني صراحة!! ما عمرك جبت طاري للزواج!!.. ضحك وهو يغمز: عارف.. بس الوالدة اقترحت علي الموضوع، وقلت لها مافي مانع.. توقعت إن السالفة كلام أو عالاقل بتاخذ وقت.. بس ما شاء الله عليها يومين إلا هي جايتني تقول ترى لقينا لك، الظاهر إنها حاطتها في بالها من زمان.. وبعدين ما عاد إلا خير وإلا وش رايك؟!!.. -يعني للحين ما شفت البنت ياخلّود.. -آفا عليك بس يابندر!!!اللحين أقول لك توي داري وجيتك بسرعة.. الوالدة تقول إنهم حددوا يوم الاثنين عشان أجيهم أشوفها... تفاجأت: الله بهالسرعة؟؟!!.. -مو أقولك شكل السالفة مطبوخة من قبل.. -على كلا" الله يوفقك إن شاء الله... -عقبالك_ يالرَمَت_ ( خالد لما كان صغير كان يحاول يناديني بكلمة الرومّيت الانجليزية لكنه كان يقولها بهالطريقة ومشت معنا كذا صارت زي اللقب بيني وبينه ) اغتصبت ابتسامة: لا وين تو الناس علي المهم الحين خلنا نرجع للشباب لا يبدى التعليق.. وبتعجب ممزوج بغضب مصطنع رد خالد: لحظة لحظة بندروة.. اللحين أقول لك خطبت وزحمة ولا تعزمني على شي بهالمناسبة؟؟!! على الأقل ودني لكوفي شوب ياخي!! ضحكت: لا يا عمي.. اللحين قهوة وبعد شوي إلا إحنا في واحد من هالمطاعم حقتك اللي فواتيرها تكسر الظهر.. تراي أعرفك زين خلاص عشرة عمر.. رد: والله إنك قعيطي مستخسر فيني؟؟... وقعدنا نضحك.. حطيت يدي على كتفه: ولا يهمك يا خالد إذا صار شي أكيد.. ابشر بذيك العشوة اللي يحبها قلبك في المطعم اللي تختاره وش تبي بعد؟؟!. "كان ودي أعزمه بس النفسية عدم".. رد بغمزة: ما تقصر أصيل يا بندر.. بس أهم شي لا تفشلنا مثل ذاك اليوم!!.. -افشلك!! متى ياويلك من الله؟؟!.. عطاني نظرة اللي مو مصدق: معقولة!! نسيت ذاك اليوم يوم يمدح لنا خوينا سامي ذاك المطعم قلنا لازم نجربه ونشوف.. لما تذكرت الموقف بديت أضحك: أوووووه.. الله يقلع شرك وش ذكرك بهالموقف الحين؟!.. ابتسم خالد ويده على وجهه: تذكر؟؟ يومها طلبنا عصير وطقيت الصدر يعني إنت اللي بتدفع ويوم جا الحساب جت معه المصيبة.. والله لو إنك شايف وجهك يا بندر يوم شفت الفاتورة تقول صابين عليك موية باردة.. انحرجت.. -لا والله!! على الأقل أحسن من اللي قعد يتفلسف ويسوي روحه أبو العُريف.. لا وتأشر بيدك بعد كننا في ملعب.. وبديت أقلد صوته ونظرته المعروفة: لو سمحت الفاتورة مو لنا، حنا طلبنا عصير بس!! والله لو إنك شايف وجهك أنت يوم رد عليك... "نعم يا سيد هذي فاتورة العصير بس" الحين من اللي طلع فشل الثاني؟!.. ابتسمت: أذكر ما بقى في جيوبنا شي ما طلعناه.. ويالله كفى ولقطنا وجيهنا وطلعنا وحنا نتصدد لا أحد يشوفنا.. وطوال ما كنت أعيد القصة وخالد ميت من الضحك.. كان يسعدنا إن حنا نعيد الذكريات اللي مثل هذي المهم رجعنا عند الشباب..
__________________
من مواضيييعي [عزيزي الزائر يتوجب عليك التسجيل لمشاهدة الرابط للتسجيل اضغط هنا] كل المواضيييييييييع الجمييييله هنا [عزيزي الزائر يتوجب عليك التسجيل لمشاهدة الرابط للتسجيل اضغط هنا] من اروع القصص [عزيزي الزائر يتوجب عليك التسجيل لمشاهدة الرابط للتسجيل اضغط هنا] |
|
|
|
|
07-08-2008, 11:36 PM
|
#7 |
|
سيدة السندباد الأولي
تاريخ التسجيل: Jan 2006
الدولة: حَدِيقَةَالْعَاشِقينْ
المشاركات: 19,148
 |
المعتصم
يعطيك الف عافيه علي القصه الروعه وبانتظار بقية القصه لك خالص ودي |
|
|
|
|
07-09-2008, 11:14 PM
|
#8 |
|
عضو مميز vip
تاريخ التسجيل: Feb 2008
المشاركات: 1,415
|
مشكووووووووووووووورهـ اختي ورود الحب على مرورك الطييييب
__________________
من مواضيييعي [عزيزي الزائر يتوجب عليك التسجيل لمشاهدة الرابط للتسجيل اضغط هنا] كل المواضيييييييييع الجمييييله هنا [عزيزي الزائر يتوجب عليك التسجيل لمشاهدة الرابط للتسجيل اضغط هنا] من اروع القصص [عزيزي الزائر يتوجب عليك التسجيل لمشاهدة الرابط للتسجيل اضغط هنا] |
|
|
|
|
07-11-2008, 10:02 PM
|
#9 |
|
عضو مميز vip
تاريخ التسجيل: Feb 2008
المشاركات: 1,415
|
الجزاء الثالث..
من بدا موضوع الخطبة حسيت إنه خلاص ما راح يرجع شي زي أول, تضايقت مرة بس ما أدري وش اللي فكرت فيه.. يعني مستحيل نقعد كذا بدون زواج للأبد كان واقع لازم أرضى فيه.. لما رجعنا داخل كان مستانس, يلعب, يضحك وينكت.. صحيح هاذي عادته لكن اليوم كان بزيادة أما أنا كنت عكسه تماما حسيت إني بأفقد هالأنسان.. ::الشخص الوحيد اللي اعتبرته صديقي:: جاني للبيت !! خفت يكون صاير شي.. ـــ خير خالد عسى ما شر.. عسى ما.. وبتوتر واضح في صوته.. أبد والله أحس إني متوتر شوي... ابتسمت له... يا ابن الحلال شدة وتزول زي غيرها.. ابتسم وقال...وش رأيك تجي معي؟!!... قعدت أطالعه أبي أتأكد إنه جاد.. أنت صاحي!! وين أجي معك؟؟!... ـــ طيب تعال وخلك في السيارة بس... شديت على يده وحطيت عيني في عينه وقلت: يا ابن الحلال رح لحالك وأنا بأستناك في البيت طيب!!.. كان يطقطق أصابعه... ادع لي يالرمت... ـــ ما يحتاج قول الله يوفقك ويسنع دربك إن شاء الله, يلا عاد الحين رح وحلق وتكشخ تلقاك شهر ما دخلت الحلاق على هالوجه... كنت أحاول أضحكه لأنه واضح إنه متوتر.. ـــ طيب أجي عندك عشان تشوف شكلي قبل أروح لهم... كتمت ضحكتي...إنا لله وإنا إليه راجعون؟!! إنت وبعدين معك ياعمي.. أصلا البنت أول ما تشوف عيونك بتوافق لا تشيل هم وتوكل على ربك.. ـــ الله يستر ما أدري وش فيني خايف يا عمي؟!... ( كلمة يا عمي معروف إني دايم أقولها فإذا قالها خلود لي يعني خلك معي أو افزع لي زي ما تقولون كانت كلمات بينا ).. ـــ عادي كل العالم يتوترون في هالموقف بس أنت شد حيلك ولا تتأخر على الجماعة... وطلع من عندي.. وبعد العشاء كنت أنا اللي ما أدري وش أسوي بعمري من التوتر وكل شوي أدق عليه لدرجة إن ريم أختي حاولت تهديني... ـــ ما صارت يا بندر يمكن أنت متوتر أكثر منه.. ــ يا ريم هذا خالد.. تعرفين يعني وشو خالد؟!.. هذا أقرب لي من نفسي... ــــ والله عارفة بتعلمني فيكم.. بس اذكر الله وهد الوضع شوي.. ما بقى عندي صبر وطلعت للشارع استناه, بعد حوالي الساعة شفت سيارته مقبلة بسرعة جنونية كالعادة.. لدرجة إنه بغى يدخلني تحتها لولا إني بعدت بسرعة.. نزل وشوي ويناقز من الفرحة.. وبرعب صرخت فيه.. ــــ خلووووود!!! أنت خبل بغيت أروح تحت سيارتك.. ناظرني نظرات جديدة علي وابتسم.. سألته..ها بشر؟؟ لمني الرجال وعرفت إنها دخلت مزاجه لدرجة إنه ما عاد يدري وينه فيه, المشكلة إنه يتكلم ولا فهمت من اللي قال ولا حرف.. كنت أعرفه عاطفي بس ما توقعت أنه يتعلق لهالدرجة وبهالسرعة.. فرحت له لما شفت كل هالسعادة فيه.. لكني بديت أتخيل وشلون بيصير حالنا بعد هالتغير اللي ما طرى على بال؟!!.. يمكن تستغربون ليش كنت متخوف كثير؟!! بس صدقوني.،، لما يكون عندك إنسان موجه لك كل ذرة في كيانه وكل فكره معك ولفترة طويلة من عمرك.. وفجأة!!..يجي من يشاركك فيه,.. صدقوني تتلخبط حياتك ولو كانت المشاركة بسيطة.. وشلون لو جاء الإنسان اللي بيصير منافس لك؟! مو حب تملك لكنها عادة وغلا كبير.. قطع حبل أفكاري خالد وهو يقول: على فكرة بندر في شي أبي أقول لك إياه.. وجهه وهو يقول هالكلام ذكرني بوجهه لما جا يعلمني إنه سرق شاهي وحليب من غرفة المدير وإحنا صغار،.. قلت بابتسامة: وش مسوي بعد هالمرة؟؟.. مسكني بيدي وجلسنا على رصيف بيتنا حسيت الموضوع جد.. قال: صراحة يا بندر أنا ما قلت لهم إني أدخن؟!! لحظة قبل لا تقول شيء أصلاً هم ما سألوا إلا اليوم وانحرجت وقلت لهم لا ما أدخن خبرك خفت يرفضون... ـــ أفاا ليش يا خالد تبدى حياتك بكذبة تافهة؟!.. ـــ ومن قال لك إنها كذبة؟! أصلا أنا نويت إني أوقف سجاير... أنا لما قال لي كذا ضحكت!! تذكرت السنين اللي كنت أحاول فيه إنه يوقف وكيف إنه حاول كم يوم ولا قدر وفي الأخير لما أشوفه يعاني نستسلم.. لكن من عيونه واضح إنه كان مصر ومصمم هالمرة على هالشي والله العالم.. ـــ بندر أكيد بيجون يوم ويسألونك أنت بالذات من بد الشباب عشان كذا حبيت أعطيك خبر.. ـــ مو شرط يا خالد بالعكس كثير ناس ما يفضلون يسألون الأصدقاء المقربين وطبعاً واضح السبب.. لكن لو جاني أحد وسألني عنك ما راح أكذب عليه.. بقوله هالكلمتين يالرمت: خالد صديقي من سنين وألف النعم فيه.. بس أنا متفق معه لما نتزوج محد يعطي معلومات عن الثاني عشان الإحراج.. لأن زي ما الواحد يقول الحسنات لازم يقول السيئات ما في كامل في هالدنيا.. هذا زواج مو لعبة وحنا ما نبي نضطر لهالشي.. بس إذا تبي العلم باختصار.. لو طلبني أختي عطيته إياها وهذا كل اللي عندي.. لما انتهيت من كلامي ربت على كتفي.. وقال: ريحت بالي ما خاب ظني فيك يالرمت أنا أشهد إني عرفت من أخاوي.. توادعنا وركب سيارته, دخلت البيت وأنا أحس بضيقة شديدة.. صحيح دخلنا الـ 26 ذاك الوقت يعني طبيعي اللي قاعد يصير.. لكن ما أدري وش اللي كان صاير معي.. كان يكلمني كل يوم عن المستجدات اللي صارت.. ويسألني إذا كان أحد جاني من أهل البنت، وأنا أقول له للحين ما شفت أحد.. وحتى لما نتقابل طول الوقت يتكلم في هالموضوع.. بيني وبينكم بديت أطفش صار كل كلامه عن زواجه، لكن اللي معجبني في هالسالفة كلها.. إصراره على ترك التدخين..!! صحيح حالته كاسرة خاطري.. يعني الصداع ما تركه أبد.. وعيونه دايم حمر.. ونفسه في خشمه طول الوقت..، والربع كلهم يحطمونه يقولون: أول ما تتزوج بترجع لا تتعب نفسك. بس في تقدم قعد أسبوع وشوي بدون ولا سجارة., كان مصر على هالبنت وما يبي شي يوقف في طريقه.. وخالد صديقي واعرفه زين اذا حط شي في باله يجيبه
__________________
من مواضيييعي [عزيزي الزائر يتوجب عليك التسجيل لمشاهدة الرابط للتسجيل اضغط هنا] كل المواضيييييييييع الجمييييله هنا [عزيزي الزائر يتوجب عليك التسجيل لمشاهدة الرابط للتسجيل اضغط هنا] من اروع القصص [عزيزي الزائر يتوجب عليك التسجيل لمشاهدة الرابط للتسجيل اضغط هنا] |
|
|
|
|
07-11-2008, 10:04 PM
|
#10 |
|
Guest
المشاركات: n/a
|
شكرررررررررررررراً على القصه
|
|
|
|
| أدوات الموضوع | إبحث في الموضوع |
| انواع عرض الموضوع | |
|
|
العرض العادي
