مواقف طريفة ليلة الدخلة
@ فتاة قد تعودت هي وأخوتها إذا مـر أحدهم بجانب الثاني مـد رجله ليسقطه على الأرض ،،، فلما تزوجت وفي -الأسبوع الأول - من الزواج وحين نهض الزوج من وجبة الغداء لغسل يديه مــدت الفتاة رجلها - كالعادة - فسقط الزوج وكسرت ذراعــه واما الفتاة من شدة خجلـها من الموقف ذهبت لأهلهـا !!!!!
@ خطب احد الأشخاص أخت صديقــه وأراد من صديقه أن يمكنه من رؤيتها - دون أن تشعر الفتاة - وقام الأخ وضبط الموقف حيث اشترى بعض الأغراض وأدخل السيارة في الفناء الداخلي للمنزل ونادى أخــته لحمل الأغراض من السيارة - والخاطب يبصبص من شباك المجلس - وجاءت البنت وحملت كرتون البيبسي وقامت تركض و تدوربالكرتون و( تفحط ) كأنها تقود سيارة !!!!!! ولم تعلم البنت الأ في ليلة الزواج حين اخبرها الزوج فما كان منها إلا أن بكت من شدة الخجل ،،،،
قروي مع زوجته يوم تزوجوا راحوا يقضون شهر العسل ، وهو جالس معها على البحر لقاها سرحانة ، قال لها : وشفيك سرحانة عني ؟ قالت : اتخيل لو ان البحر مرق وش يكفيه من لحم !! ؟؟ قال : لاوانتي الصادقة ، قولي من وين يبي يجيبون خبز علشان يغطون ؟
@ فيه وحده تقول في اول ايام زواجي طلب مني زوجي ان افتح له علبة بيبسي .... قمت وفتحت العلبة قدام وجهه و.. يا للهول طاااااااش البيبسي على وجه وملابسه والجدار .. وانا مع خوفي جتني حاله هستيرية من الضحك وأنا أشوف هالموقف ..
فيه وحده تخجل مرة مرة .. ولما تزوجت كانت تخجل حتى تتكلم مع زوجها .. وكانوا الحريم يلومونها على هالخجل الزايد ويقولون لها لازم تحكين مع زوجك و تمزحين معه تدفينه بيدك مثلاً .. وصممت هالمرأة على كسر هالحاجز من الخجل الزايد ...ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع وتدفه ( تدفعه ) وهي تبسم .. تدحرج المسكين وترن ترن مع هالدرج الى ان وصل آخر درجة وهو بعد ما استوعب وش اللي صــــــار ..
وحده يوم عرسها بعد ما خلصت من التجميل والتسريحة .. جت تطلع على الحريم والرزة على المنصة .. شافت بعض ( الحمرة ) في يدها دخلت تغسل يدها وفتحت الحنفية .. ومـادرت الا والدش يصب على راسها !!
وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!
وايضا في واحد قام الاخ في الله يصلي ركعتين قبل يدخل مع زوجته كلما صلى قامت البنت تضحك
ويقطع الصلاه ويقولها وش فيك وكبر مره ثانيه وقامت تضحك الرجال زعل وانقهر وقالها ليه تضحكي علي قالت
له انت مصلي عكس القبله ههههههههههههههههههههههههههههه
حركه حلوه
عريس توووه أخذ عروسته من أهلها وموديها للبيت
(طبعا كان الوقت متأخر والشوارع تقريبا فاضيه في حارتهم )
قال العريس : وش رايك اوريك حركه حلوه ؟
(قصده يفحط , !! )
قالت :لا ما يحتاج ( البنت موناقصه ترويع كافي عليها أنت !!! )
قال : إلا إلا شوفي هذي ......................... .......
ولا صحت إلا بالمستشفى , وقضوا أجمل شهر عسل على الاسره البيضاء
وش تبين ؟
أيضا عريس اخذ عروسته من القاعة , جو أهلها بيسوون لها موكب والعريس
راسه يابس, وهو رايح, يابن الحلال مو عشانك عشان بنتنا !!
ولا فيه فايده , المهم أخذ زوجته وراح يتمشى فيها(مسوي فيها رومانسي)
ورجها طوال الطريق : وش تبين تتعشين؟
وهي تقول : سلامتك ما ابغى شيء
ويقول :لالالالا لازم تأكلين شيء ؟؟
وهي تقول : والله ما أبغى شيء
ويقول : لالالالالا وش هالكلام ....... ( ياخي فقعت مرارتها موناقصتك )
وأصر أنه لازم يشتري لها شىء
قالت : خلاص ببسي
(يا عمري بسيطه )
المهم نزل الأخ يجيب لها ببسي ( وطبعا ترك السيارة شغاله عشان ماتفطس
من الحر ) ,, يوم رجع ؟؟
وين السيارة ؟؟؟؟؟؟؟؟؟ وين زوجتي ؟؟؟ وين ما وين !!!!
طبعا السيارة وأكيد البنت انسرقو
( فيه مجرم بيشوف له سياره فخمه وبداخلها عروس كاشخه ويقول لا !!!!)
أحفظ زين
عريس دخل على عروسته وحط يده على جبهتها !!!!!!!! وبعدين سكت
ويفكر ويفكر ويحاول الأخ يتذكر الدعاء , يدورمن هنا وإلا هناك ولا لقاه
واخر شيء قال " الحمدلله الذي سخر لنا هذا وماكنا له مقرنين"
العروس ما استحملت الموقف انفجرت من الضحك !!!
(معذوره وش ذااااااا الأخ بيسافر!!! )
جدول الضرب
عرسان يسولفون لليلة العرس (مكبرين المجلس ) , ومافيه موضوع إلا وتكلمو
عنه (طبعا هذا أول يوم والسوالف الحلوة ) ووصلو لموضوع جدول
الضرب ( أنا مدري وش اللي وصلهم له!! يبدو انه مدرس رياضيات)
قالت العروسه : تصدق حتى الآن ما حفظته .
قال : ولا يهمك وجاب ورقه وقلم وجلس يعلمها
3 في5 = 15 قولي وراي ......................... . (قلبها حصة)
هههههههههههههههههههههههههههههههههههه
عرسان يسولفون , سألها : وش هو الفريق اللي تشجعينه ؟؟ قالت : (.....)
قال لها : وع ع ع ع ع ع من زينهم هم ولعبهم أساسا فريقي (.... )
هزئهم في الدوري 3/0 , وفريقي اخذ الكأس 10 مرات وفريقك ما أخذوه
إلا مرتين , واساسا مدربهم ما عنده سالفة , واللاعب اللي جايبينه من برا
ماسوا لهم شيء ولاعبكم اللي شايفين أنفسكم فيه هزئه المدافع حقنا و...... و.................... و....................
( الأخ أخذ جو وجاب السيرة الذاتية والتفصيلة للفريقين بـــــس مالاحظتو ا
شيء غريب أن البنت ساكتة و فريقها يتهزأ )
وبعد ماخلص المحاضرة الطويلة , قالت له : تعال أبيك برا الغرفة !!
يوم طلعو دخلت وصكت الباب بوجهه ونام المسكين في المقلط
( يا غبي وش محك لسانك تهزأ فريقها !! كان صبرت كم يوم وبعد كذا
قل كل اللي بطبلونك )
ههههههههههههههههههههههههههههههههههههه
أخذ العريس عروسته واتجه إلى بيت أهله ( عشانه يسكن معهم) لكن
فوجئ انه كل أبواب البيت الداخلية مقفلة , وجلس بالحديقة هو وزوجته حاول الولد يدخل
للبيت باي شكل لكن مافيه فايده , ولا عنده تلفون عشان يكلم ولا يقدر
يروح ويترك زوجته لوحدها بالحديقة , ولا يقدر يروح لفندق لانه مامعه
أي إثباتات , ولا معه سياره أخوه وصلهم وراح لهذا اضطر يقعد قعده محترمة
لحد الفجر لما رجعو أهله
منقوووول
ارجوا ان تكونوا انبسطووووووو
|
العرض العادي
