مش كنّا اتفقنا

مش كنّا اتفقنا
يا قلبي أنا و انت
أنك من هنا ورايح
تشمّع بيبانك
وتسد حيطانك
وتدوس الامك
وتعيش وحيد
وتجرّب كل جديد
وتحاول تبقي سعيد
مش كنا اتفقنا
مفيش حب
مفيش عشق
مفيش هوي
مفيش جرح
ليه دلوقتي جاي تحب
مش كنّا خلاص عملنا
معاهدة صلح
مع كل كلام فيه حزن
ومع كل أغاني هم
جاي دلوقتي عايز تعيش في الحب يومين
وناسي أنهم قاسيين ناسيين ظالمين
وبتقول ان شاء الله
تكون ديّ اخر مرة
واخر حلقة
في مسلسل الاحزان
وكل الماضي هان
وأنه ان الأوان

خلاص
هاسيبك تجرّب
هاسيبك تقرّب
ومن النار تشرب
ولا ترجع في يوم تندم
ولا تلسعني لما في عينيهم تقدم
وأديني سامعك
بكل فرحة
بتقول
أدينا اتفقنا.............

لا بأس ان نتحدث مع قلوبنا

ولكن ....

القلوب عندما تقسوا

لا ترى سوى الحزن

وتصدر الالام لنا

،،،،،،

كلمات جميله

معبره

وتحمل الكثير من العتب

كلمات

لا تخلو من علامات التعجب

شكرا على هذه الكتابه الجميله

ودائما في انتظار جديدك

تقبلي ودي وتقديري