اليوم اهديلكم الابيات هذا لشاعر محمد بن حمد بن فطيس هو شاعر المليون الاول
الضيقه الي تالي اعصير
الضيقة اللي دايمٍ تالي عصير ..
.. وش حيلتي وأردها لا تجيني
لا طال ظل العود حزة عشى الطير ..
.. كنها على سجن الحديد تحديني
يضيق صدري كل ما جات وأسير ..
.. ولايخفف سوج رجلي حنيني
لا حولنا مشراف ولا اقدر اطير ..
.. يالله قمسة خير لا تبتليني
وعقارب الساعة توقف عن السير ..
.. ولاكن في الدوحة سواتي حزيني
والعبره اللي تاصل الحلق وتحير ..
.. يا قربها لو قيل لي يا عويني
أمل شوف الناس ورد ومصادير ..
.. واللي يقول اشفيك كنه يهجيني
يعني على ما قيل من باب تصوير ..
.. (لاحدٍ أبي قربه ولا أحدٍ يبيني)
أروح أدور خط مابه دواوير ..
.. وأدور اللي هادها تهتديني
وآخذ مع الهاجوس سجة وتفكير ..
.. وأراجع اللي فات بيني وبيني
وأحسب ذنوبي وأدور التكفير ..
.. عساي ما قصرت في والديني
وعساي ما قارنت من ينفخ الكير ..
.. واللي يحمل المسك جعله قريني
ويطري علي يوم الحشر وأطلب مجير ..
.. ما أعطى كتابي في شقيقة يميني
ويطري علي صدقان كثر الدنانير ..
.. اللي اتعاديني إلا كثر ديني
وراعي الهروج اللي سوات المناشير ..
.. أصد عنه وأدري انه يعنيني
الله حسيبه يوم عرض القواوير ..
.. والله حسبي من صواب مكيني
وإلا طرالي واحد كانه اصغير ..
.. أم أصغر بيومين ولا سنيني
دريت وش قومي وعينت تفسير ..
.. للضيقة اللي من زمن تعتليني
حبه بصدري سالفة سر في بير ..
.. وكن الفواد يقول هذا زبيني
أشفق على علمٍ يجي منه من غير ..
.. لا يسمع اللي سولفوا به ونيني
يا كثرهم غيرهم ولكن خبر خير ..
.. ما غير شوفه في الوجود يهنيني
رايي كذا يا عاشقين الغنادير ..
.. ماله على وجه البسيطه وزيني
العام أجيهم من حساب المسايير ..
.. واليوم حال عداي وينه وويني
خطاي تعليق الأمل في المدابير ..
.. الين راح وشفت حقري بعيني
صبرٍ جميل وخابر إنه مقادير ..
.. والله على تخفيف حزني عويني
ذي حالتي لين اتغبا الشمس واصير ..
.. معطى سراحي عقب مانا سجيني
واذا امتلى جوف الشجر بالعصافير ..
.. طلبت من رب العباد يهديني
يعتقني المذن عقب ضيقة عصير ..
.. اللي على سجن الفراق اتحديني
واليكم الغزل والعاطفي والقنص
عن الوطن والباديه
قطر موطني وأنا مثل من تربوا فيه ..
.. راع البل وراع المال والغيص والفلاح
رجال الا سمعوا نداه أجمعوا لبيه ..
.. تطيح الغتر والروس .. بس العلم ما طاح
سواعد الأمير وفي المحافل فخر ووجيه ..
.. ونارد حياض الموت كنحن خرز مسباح
وعن الدنيا
الموت تالي العمر والدنيا مقيل ..
.. والآخره هي منتهانا لا محال
وديني وحب الناس والخلق النبيل ..
.. ثلاث هي دربي الى حسن المئال
الله يقدرني على رد الجميل ..
.. واللي يجملني الا جالي مجال
وعن الطير والمقناص
اندوج بأشقر صافي الظهر والذيل ..
.. مطروح قد ريشة ظهره محروقه
يطلع وطلعه لا طلع .. طلع دربيل ..
.. زود على طلعه وطبعه .. لحوقه
له هيبة في الجو قبل المحابيل ..
.. فرخ العقاب ايخاشره في حقوقه
وعن الفراق يقول
لا تحسب الجفن من دمعه عقيم ..
.. يستحي منك والا اقفيت انثره
ولا يغرك وان بدا جسمي سليم ..
.. والله انه مثل سور المقبره
والله ان احر من دمع اليتيم ..
.. دمعة الرجال من فرقى مره
ونختمها لكم غزل 
يقول
ودي بك .. وأبيك وأباك وأبغاك ..
.. جمعتها لرضاك واختار فيها
كانك مشكك في الوفا والغلا هاك ..
.. جوالي اقر القائمه كل ابيها
رقمك مع (الصادر) ولا (وارد) أسواك ..
.. والناس في اللي (لم يرد عليها)
اشعار الشاعر محمد بن فطيس 
الضيقه الي تالي عصير
تعليق
العرض العادي
