قالت حركة حماس الفلسطينية إنها اليوم صارت أحمس شئ وإن ناسها صاروا كثيرين في المجلس التشريعي الفلسطيني وإنهم هم اللي فازوا في الانتخابات الأخيرة..
وعلى طول استقال قريع من الحكومة وقال خل حماس تسوي حكومة دامها هي اللي فازت .. وحماس قالت إنها بتسوي حكومة وحدة وطنية.. لكن فتح قالت إنها ماراح تشارك في الحكومة اللي ترأسها حماس يعني مهزوم ويتعنطز راعين هالفتح...
قريع من العجلة لبس كل خلاقينه وطلع ماامداه يضف عفشه في شنطة
وخربها حقين حماس من اللي متحمسين بقوووة وراحوا للمجلس التشريعي وشالوا العلم الفلسطيني وحطوا علم أخضر مكتوب عليه لا إله إلا الله ..
اما جورج بوش فسوى فيها زعاطة وقال إننا نشجع الانتخابات الفلسطينية لأنها ديموقراطية بس ماش يومنه قالها صار وجهه من كثر ماتعرفط كأنه وجه إنسان (أجل أول كان وجهه وشو؟؟) وقال إن موقفه جهة حماس ماراح يغيره
وقالت له حماس لايكثر واحترم رغبة الفلسطينيين هماك تقول ديموقراطية؟
وتحمس مراسلنا من واشنطن دبليو سي بوش وبدا يعلق على الخبر وقال
(هذه الديموقراطية وماتسوي يابوش وش رايك بس تهون وتخلي الشعوب العربية على طمام المرحوم كل الديموقراطيات اللي سويتوها جابت ناس ماتبونهم والعراق وفلسطين قريبة ترى والأخوان المسلمون يحترونكم تشيلون الأسد عشان يجون يحكمون سوريا )
وإسرائيل يقولون إنهم جاتهم صدمة وقالوا أ ي حكومة فيها حماس ماراح نتفاوض معهم (يعني يقالهم تفاوضوا مع فتح هالحين
الله يرحم الشيخ أحمد ياسين والدكتور عبدالعزيز الرنتيسي وإسماعيل أبو شنب والمهندس عياش و... و... و....وكل شهداء فلسطين
حماس تكتسح المجلس التشريعى
العرض العادي
