الحظ نايمـ
اتمنى ان تنال اعجابكم ،،،،
الحظ نايم
ألا يامن شقاة اللي تولع في غلاة انسان
عزيز وعشق وانفاسٍ تقول النفس مغروره
أنا ياللي هويت البعد ترى من غيبتك تعبان
تعال انشد عن أحوالي بقايا روح مكسوره
تصور من طريت البعد وانا خالي من الوجدان
كأن اللي جرى فيني هدوءٍ يسبق الثوره
جلست شوي مع حالي أبي استوعب اللي كان
لقيت اللي حصل منك .. عليه النفس مجبوره .
لعنت الحظ يوم اني عرفتك تاهت الأزمان
ليه الحظ مايساعد .. ترى هالروح مأسوره
سهرت في ليلة ظلما أدور عن صدى خلان
لقيت الكل متجمع .. في بالي غايمه الصوره
أنا ياحظ ما أبغى سوى انك تقوم أحيان
تعبني نومك الدايم .. كفايه منك مقهوره
كفاية اللي جرى فيني .. وش اللي باقيٍ ماكان
تغيب الشمس في وجهي .. وليلٍ يسهر حضوره
ويوم النفس بك طابت وقالت غايبٍ نسيان
رجعت تفتح جروحٍ على عالوجه مطموره
لعبت بدنيتي علّي أوازي كفة الميـــزان
معَ لعب ومعَ جد ومعَ خيبات منثوره
أنت أسمى هوى قلبي ... أمــيــرٍ عالي بالشان
سراجٍ منور الدنيا .. سـمـوٍ صــافي لـ نــوره
أسيرٍ في قفص صدرك .. غريبه كنت أنا السجّان
غريبه كيف قلب يحب أسيرٍ ساجن طيوره .!؟
يتيم الفرحه ياقلبي .. ولا ترضى تشوف إحسان
تعودني أمد الكف .. وترد أحيان مكسوره ...
كتبت الشعر من دمي على نزف الشعور أحيان
وعلى خيبة أمل تبكي ... على هالعين مذعوره .!
جمعتك صافي المعنى .. نثرتك أسفل البركان
وعلى كسر الضلوع تقول : زمانك طاغيٍ جوره
ترى عادي أنا عايش ولاّ ميتٍ سيـــــــــــّــــــان
مدامك غايبٍ عني وش اللي يجلب سروره .!؟
وش اللي بس يجبرني ألوّن حبة الرمّـــــــان
وحبر( بلاك ) يكسيها وأنا ألوّاني محصوره ..
بحفظ الله يامبعد .. بغني لك من الأشجان .
وبسهر لو طلوع الشمس يصاحب غيبة حضوره .!
وبذكر كـــل كلماتك : أنا ماني ترى غلطان ...
صحيح الحلم حذرني ... وكنت بطيش مغموره ..
أبرسلك تحياتي .. مع باقة ورد ريحان
وعطرٍ ساكن بقلبي .. عليه الروح مشكوره ..
******************************
|| وعلى دروب الخير نلتقى ونفترق ||
اختـ || اميـ الكلمة ـرة || ـكـ
ديوان الكلمهـــ
|
العرض العادي
