للاذكياء فقط

[هشام سمير]

اوك طب ناخد فوازير شكل تانى
1- من برا لحم ومن جوه عضم ومن برا عضم ومن جوة لحم
2- حصيرة متتلمش وفلوس متتعدش ونص رغيف عيش ميتكلش
3-تتقسم وتتفرق وتتاكل ومتتبلعش
4- ابويا بنالى قصر فوق قصر فوق قصر وفر ظهره مرايا

[zeena]

ماشاء الله عليك هشام بتجيب الفوازير دي كلها منين؟ ناخذها وحده وحده مبينه صعبة شوية طيب شوية سهلها من برة عضم ومن جوة لحم هو السلحفاة من برة لحم ومن جوة عضم اي حيوان اخر او الانسان مثلا ان شاء الله صح

[هشام سمير]

اقتباس: المشاركة الأصلية كتبت بواسطة zeena     ماشاء الله عليك هشام بتجيب الفوازير دي كلها منين؟ ناخذها وحده وحده مبينه صعبة شوية طيب شوية سهلها من برة عضم ومن جوة لحم هو السلحفاة من برة لحم ومن جوة عضم اي حيوان اخر او الانسان مثلا ان شاء الله صح

هيا السلحفاة دى ممكن تمشى لكن هو المقصود هنا البيضة
اما اللى من برا لحم ومن جوا عضم فهى البلحة
يارب الباقى يكون سهل

[zeena]

شكرا هشام على المتابعة تعذرني هشام باقي الاسئلة ليس لدي اي فكرة عن الحل ياريت تسهلها شويه تحياتي

[هشام سمير]

واضح ان انتى مبتحبيش الا الفوازير الحسابية لكن هسهلك دول الاول
2- حصيرة متتلمش وفلوس متتعدش ونص رغيف عيش ميتكلش
هيا حاجة كبيرة جدا شايفنها فوقنا فيها حاجات كتير صعب عدها ونص شىء حينما يكون كاملا يكون زى الصورة اللى انتى حطاها لشارون ستون تقريبا صح
3-تتقسم وتتفرق وتتاكل ومتتبلعش
دى حاجة بنلعب بيها بنقسمها على بعض ونفرقها وناكلها بس اكيد طبعا مبتتبلعش
4- ابويا بنالى قصر فوق قصر فوق قصر وفر ظهره مرايا
دى حاجة فى ذراعنا فيه ثلاث قطع ثم فى ظهرهم شىء يشبه المرآة[/color][/font][/size][/quote]

[zeena]

اهلا هشام وشكرا على تواصلك الجميل بالفعل اخي العزيز تعجبني الفوازير الحسابية اكثر لكن بعد هذه التسهيلات والتوضيح اكيد ساحل الاسئلة جواب السؤال الثاني حصيرة متتلمش: السماء وفلوس متتعدش: النجوم ونص رغيف عيش ميتكلش: الهلال جواب السؤال الثالث تتقسم وتتفرق وتتاكل ومتتبلعش يمكن اوراق اللعب .. الكوتشينة مثل ما تسموها جواب السؤال الرابع الاصبع فيه ثلاث سلاميات وفي ظهره الاظفر وان شاء الله جوابي صح شكرا على الاسئلة الحلوة بصراحة هي تحتاج شخص يمتلك خيال واسع ليتمكن من حلها ولولا التسهيل الي اعطيته كان مستحيل اقدر اعرف الحل ننتظر اسئلتك القادمة تحياتي لك

[medoo_metaeb]

على فكره انا عجبنى حل الفزوره اكتر من السؤال

بجد برافو زينا
وتمنياتى لك يا هشام بالاستمرار فى المواضيع المميزه

[محبة هاري بوتر]

و الله يا زينة لو ماكنتيش حليتي الاسئلة كنت حلتها انا بس هنعمل ايه فيكي؟

[رحاٌل]

اسئله رائعه .... يعطيك العافيه ..
والي حلهم يعطيه العافيه ايضا ..

[المهند2010]

مشكووور على الفوازير