تحياتى اخواتى الكرام
اقدم لكم الان
طريقة السردين المملح فى اسبوع
ا _ تحضرى 2 كيلو سردين بلدى
2 _كيس ملح
3 _ 6 معالق كبيرة شطة جافة
و ممكن تقللى كمية الشطة
الطريقة
تحضرى السردين بدون غسيل و تضيفى اليه الملح والشطة ويقلب جيدا بالايد
وتحضرى علبة بلاستيك بغطاء محكم وتضعى فيها كيس بلاستك ابيض كبير و تخرجى باقى الكيس بره العلبة
تروسى السردين الملىء بالملح والشطةعكس عكاس حتى اخر الكميه وتبرومى الكيس
وتوربتى بأستك وتقفلى العلبة جيدا و ضعيها فى البلاكونه و بعد 3 ايام افتحى العلبة و اقلبى الكيس
يعنى خلى السردين الى تحت فوق و اقفلى العلبة تانى واتركيها 3 ايام تانى
وبعد ذلك افتحيها وبالف هنا وشفة
ملاحوظة
لو فتحتى العلبه تطلعى كميه على قدك علشان الى يفيض لو وضعتيه
مع الكميه التانيه هيخرب وبعد الاستعمال تقفليه تانى كويس
و الان اسأله انا هجاوب عليها
انا ليه قولت سردين بلدى ؟
لان فى سردين مزارع كبير وهذا كله سفا والسفا هو الشوك الصغير الكثيف
و ليه قولت علبة بلستك؟
لان العلب الصفيح بتصدى على الاكل وتعمل تسمم
وليه قولت كيس بلاستك وابيض مش اسود ؟
علشان تعرفى تقلبى السردين من غير ما تهرى و ابيض لان الكيس الاسود غير صحى
وليه قولت من غير ما يتغسل ؟
علشان ميخربش ويعمل ريحه
لو فى اى استفسار انا تحت امركم اسألو وانا على الاجابة
وتحياتى لكم
طريقة السردين المملح
العرض العادي
