ممكن افهم يعنى ايه ارتباط(موضوع للنقاش)

النهارده معايا موضوع محير ناس كتير قووووي و هو الارتباط بين الولد و البنت !!!!


يعني الفتره اللي الولد مبيكنش مستعد يتقدم فيها للبيت علشان ظروفه

و البنت بتستناه سواء قايله لاهلها او مش قايللهم عندي اسئله بالهبل هطرحها عليكوا

و اللي يقدر يجاوب علي اي سؤال

ياريت لان الموضوع ده بجد بقي فيه تداخلات كتير قوووي دلوقتي سمك لبن تمر هندي و كله تحت اسم واحد.......الحب



1_هل الولد و البنت المفروض ميحبوش اطلما ظروف الولد مش سامحاله في الوقت ده ؟


2_ المفروض ان الاهل يوافقوا علي وضع زي ده علي اساس ثقه منهم في بنتهم و انها صارحتهم علي موضوع زي ده؟


3_ايه الحدود اللي نحطها لنفسنا في فتره زي دي من تليفونات و مقابلات و حاجات من اللي بنشوفها دي؟


4_هل الولد بيثق في بنت ممكن تخبي علي اهلها حاجه علشانه؟

ممكن نفتح النقاش في الموضوع ده لان بجد احنا دلوقتي اتلخبطنا

مستنية ارائكم وردودكم على الموضوع

أختى الغالية

velvetrose

" هبة "


لقد طرحت بالفعل موضوعا أكثر من رائع

و ليس ذلك فحسب و لكنه بالفعل

شائك و محير

فى كل سؤال فيه

و صدقا و أنا فى هذه اللحظة

لا أجد الإجابات لا أقول الصحيحة

و لكنى لا أجد الإجابات التى أعتنقها

و أعلن أنها رأيى فى هذا الموضوع الخطير

و إننى أدعو كل الأخوة و الأخوات إلى المشاركة

فى هذا الموضوع الذى أعتبره من وجهة نظرى بالغ الأهمية



و إننى أعدك بأن لى عودة مرة ثانية للمشاركة فيه





و تقبلى كل شكرى و تقديرى

.

اشكرك غاليتى على طرحك للموضوع المميز


وان شاء الله لى عوده لمناقشته


تحياتى وتقديرى

المشاركة الأصلية كتبت بواسطة velvetrose

1_هل الولد و البنت المفروض ميحبوش اطلما ظروف الولد مش سامحاله في الوقت ده ؟


2_ المفروض ان الاهل يوافقوا علي وضع زي ده علي اساس ثقه منهم في بنتهم و انها صارحتهم علي موضوع زي ده؟


3_ايه الحدود اللي نحطها لنفسنا في فتره زي دي من تليفونات و مقابلات و حاجات من اللي بنشوفها دي؟


4_هل الولد بيثق في بنت ممكن تخبي علي اهلها حاجه علشانه؟

أختى الغالية

velvetrose

أرجو أن تتقبلى اعتذارى لتأخرى عن معاودة المشاركة فى موضوعك هذا و على قدر ما أعجبنى طرحك لهذه القضية الهامة على قدر ما أعيانى الرد فالقضية متشعبة الأسباب و صعبة الحل إلى حد بعيد و هى تحتاج بالفعل إلى نقاش جاد و حوار مثمر

لذلك فقد قمت أختى الغالية بتثبيت هذا الموضوع الهام حتى يتاح لأكبر عدد من الأخوة و الأخوات المشاركة فيه للوصول إلى نتائج أيجابية

أما عن مشاركتى فى نقاش هذا الموضوع فإننى أرى أن كل هذه المشكلات التى قمتى بطرحها غاليتى ترجع إلى سببين أولا الحالة الاقتصادية المتردية و زيادة نسبة البطالة و بالتالى ضعف الإمكانيات المادية لدى معظم الشباب ثانيا مغالاة الأهل فى طلبات و متطلبات الزواج و بالصدفة فقد اطلعت على تجربة فريدة رائده قامت بها قرية "الكلح" وهى إحدى قرى محافظة أسوان بمصر حيث نجح أهالى القرية فى عمل غير مسبوق فى عمل وثيقه أطلقوا عليها " وثيقة التيسير " و أهم بنود هذه الوثيقة : * الحد الأعلى للصداق أو المهر 500 جنيه مصرى و المؤخر مثله . * الشبكة تقتصر على دبله ذهبية و محبس فقط . * إلغاء حفل الزفاف بحيث يقتصر على ما تقتضيه تعاليم الشرع . * الجهاز أو أثاث منزل الزوجية تساهم فيه العروس بالمطبخ فقط و على الشاب ألا يشترط على أهل الفتاة شيئا و كذلك لا يشترط ولى أمر الفتاة على الشاب أثاثا معينا . و كما تعلمين أختى العزيزة أن تيسير الزواج للشباب و الفتيات من الأمور التى أمرنا بها الدين لتكون سببا لبناء الأسرة التى تعد النواة الأساسية للمجتمع .

و شكرا مرة أخرى على طرحك لهذا الموضوع الهام و تقبلى تحياتى أخوكى

مفروض الاهل يعرفوا ظروف الشاب

و كل مراحل العلاقة بين الشاب و البنت

تكون علي علم منهم (تعارف - خطوبة - زواج اذا قدر الله)