 |
 |
|
 |
|
||||||||||||||||||||||
|
||||||||||||||||||||||
|
|||||||||||||||||||||||||||||||||||
 |
 |
 |
 |
|||||||||
 |
|
 |
||||||||||
 |
 |
|||||||||||
| منتدى القصص الواقعيه قصص عربية , قصص حقيقية , قصص غراميه , قصة محزنة , قصة مؤثرة , روايات , قصص الانبياء , قصص واقعية , قصص موروثة , حكايات عربيه , قصص طريفه , قصص السيرة , قصص الأغبياء , قصص حزينة |
 |
|
|
LinkBack | أدوات الموضوع | طرق مشاهدة الموضوع |
08-07-2007, 12:04 PM
|
#1 |
|
سندباد جديد
تاريخ التسجيل: Jul 2007
المشاركات: 2
 |
نفسى اغمض عينى وافتحها الاقى هبه مراتى وام اولادى
نفسى اغمض عينى وافتحها الاقى هبه مراتى وام ولادى
حبيتها ايوه حبيتها وهقولها للعالم هى النور الى بينورلى حياتى هى الحنان مجسد فى اجمل بنوته شفتها عنيا قلتلها انى بحبها ايوه قلتلها وهى كمان لاقيتها بتحبنى الدنيا مش سايعانى عايز احضن كل الناس عايز ابقى احسن انسان عشان اقدر اتقدملها انا.............انا..............انا خالد وحبيبتى هبه وهى فعلا هبه كل حاجه فى يوم اتمنتها فى لحظه لاقيتها فيها ازاى مشفتهاش عينى قبل النهارده قالتلى كلام وقلتلها كلام مش فاكر منه غير صوتها الى لسه بيرن فى ودنى كاحلى صوت يارب يارب نفسى اغمض عينى وافتحها الاقيها مراتى وام اولادى يارب طيب لازم اتغير عشانها لازم اتقدم للشغلانه الى والدى قالى عليها انا مكنتش عايزها مكنتش لاقى منها فايده وبعدين دى شغلانه مرهقه اوى لكن مفيش حاجه تغلى على اغلى انسانه فى حياتى جريت وجريت وجهزت ورقى ولبست بدله شيك وروحت عشان اعمل اختبار فى الشركه الى هشتغل فيها مبنى عالى وفخم فعلا وروحت امتحنت وقالولى النتيجه هتطلع بعد اسبوع يارب الاسبوع يجى بسرعه وانجح عشان احقق حلمى ااااااه يا هبه بحبك يا هبه وعمرى ما هحب حد غيرك ولا هزعلك تعبت اوى من المشوار الطويل ده قعدت على الكورنيش وسندت ضهرى وقعدت افكر غفلت عينى فقمت بسرعه وروحت اكمل نوم فى البيت يرن جرس المنه جنبى فقمت اقفله وبفرك عينى حاسس ان فى حاجه غريبه مش عارف ايه هى بسم الله اصبحنا ..ايه ده ببص جنبى لاقيت هبه نايمه جنبى يانهار ابيض هبه وايه الى جنبنا ده ماشااللله ولد زى القمر يشبه الملايكه لا ده شبه حبيبتى هبه بس ايه الى نيمهم جنبى قمت بسرعه وجريت من الغرفه وقفلت الباب هو فى ايه ايه الى حصل هو انا مش كنت نايم فى بيتى وانا بتفرج على المكان الغريب الى قاعد فيه يا نهار ابيض ولولولوولولوولولوى صورتى انا وهبه عريس وعروسه لكن امته ده حصل هو فى ايه انا صاحى ولا نايم انا عايش ولا ميت مش ممكن هو فى ايه سمعت صوتها من ورايا زى العصافير هبه:صباح الخير يا حبيبى انا :صباح الخير يا نور عينى هبه: يااااااااااااه الكلمه دى مسمعتهاش منك من زمان انا:من زمان ؟ هبه:.................. دخلت هبه حضرت الفطار وانا طبعا نص عقلى مندهش والنص التانى اتجنن خلاص سمعت صوت اجمل عياط فى الدنيا ايه ده مزيكا مبتتوقفش ده الواد مركب سرينه فى زوره هبه :مش سامع يوسف بيعيط؟ انا :وعلامه البلاهه فى وجهى وبقول لنفسى يوسف مين ؟اه اه اكيد الى بيعيط الوالد الى كان نايم جوا اااااااااااااااه ابنى اسمه يوسف ولولولولولووىطبعا ده كله فى سرى هبه يعينى من غلبها دخلت شالت البيبى على كتفها وكملت تحضير الفطار انا :هبه ادينى الولد على ما تخلصى هبه :بتضحك اوى وتقول تشيله بدالى ايه الحنيه دى كلها دنت من يوم ماتولد مشيلتهوش الا وهو بيضحك وانا ببقى وراك خلاص خلاص يا خالد انا هشيله انا:يا روحى هاتى الولد مش هتعرفى تحضرى الفطار كده هبه:انا اتعودت على كده على العموم خده بس براحه عليه انا :سبحان الله والولد الحمد لله شبه امه ده كرم من ربنا عشان يلاقى عروسه ترضى بيه هبه:يا حبيبى منت قمر حياتى على الرغم من انك مطلع عينى بس انا برده هفضل احبك حسيت قد ايه البنت دى حنينه بس انا مطلع عينها امتى مش لما اعرف احنا اتجوزنا امتى اصلا ولا الواد الى زى القمر ده نور حياتنا امتى ياربى ايه الازمه الى انا فيها دى يرن جرس التلفون انا:الو ماما حبيبتى ازيك وحشتينى ماما وحشتك ايه يا بكاش هو لو كنت وحشتك كنت متجيليش بقالك شهر ايه يا واد ده القسوه ده جيبتها منين انا :قسوه ايه بس يا ست الكل ربنا ميحرمنيش منك ماما:ايوه ايوه كمل بكش هو لولا بنت الحلال الى مستحملاك دى وشيلانى عى راسها ربنا يعلم الى كان ممكن يحصلى المهم عدى عليا النهارده عايزه اكلمك فى موضوع مهم انا :خير يا ماما فى ايه؟ ماما : يعنى مش مكلف نفسك تيجى تعرف امشى يا ولا قوم البس يلا وما ترجع من شغلك تعدى عليا انا:بحبك يا ماما ماما :ماشى يا خويا ربنا يكرمك ويطعمك ما يحرمك امين يا رب لا اله الا الله انا سيدنا محمد رسول الله قمت بقى غسلت وشى ونضفت كده وعمال افكر طيب دلوقتى انا عارف بيتنا فين بس البيت الى انا فيه ده فين بقى يعنى انا لو خرجت منه هعرف انا فين اصلا وبعدين فين الشغل ده الى كنت شغال فيه مش انا امبارح كنت فاشل وبقدم فى شغل ااااااااااااااااه لايكون انا اتقبلت فى الشغل اه ممكن طيب يبقى كده مشكله عنوان الشغل اتحلت لبست وخرجت من البيت لاقيت هبه بتنادى عليا هبه:خالد نسيت مفاتيحك انا :مفاتيحى اه اه شكرا يا حبيبتى هبه :سبحان الله ايه الرومنسيه دخلت بيتنا فجاه يلا ربنا يديمها نعمه الحمد لله الحمد لله المفاتيح فيها جهاز انذار يبقى فيها مفتاح عربيه يا حلاوتك يا واد يا خلود بيت وعربيه وهبه اه يا هبه بحبك اوى الفصل التانى دخلت الشغل صباح الخير يا فندم صباح الخير يا فندم كلمه وجعت دماغى طول منا ماشى هتقولولى هعرف مكتبى منين ؟متفوتش عليا شوفت الفراش ماشى وقلتله تعالى يا اسماعيل قالى حاضر يا فندم لاقيته ماشى ورايا قلتله ادخل هوى المكتب يا عم اسماعيل الراجل بصلى بتعجب ودخل المكتب هيه هيه عرفت مكتبى فين وانا معدى بقى جنب المكتب شوفت حته بنت يا عم ايه ده دى نازله من امريكا عدل على مكتبى وال ايه السكرتيره بتاعتى يا عينى يا عينى دخلت يا عم وقعدت زى الباشا وانا مش عارف انا هنا منصبى ايه بس ربنا يخلى الناس الى بيحطوا عناوين على المكاتب يلا ربنا ستر دخلت القمر السكرتيره :تامرنى بشى يا فندم انا :لالا شكرا راحت الحلوه قربت منى وقالتلى معادنا النهارده الساعه سته متنساش انا :فين ضحكت اوى وقالتلى فى بيتى انا فى سرى يا لهوى بيتك ايه يا حاجه انتى مين اعوذ بالله من الشيطان الرجيم هى بضحكه انثويه رائعه هستنااااااااااك يا حلاوه بتقولى هستناك هى بتستعبط ولا ايه المهم قعدت طول اليوم على مكتبى مش بعمل حاجه خالص وجه معاد الخروج فنزلت على عربيتى وروحت بيتنا الفصل التالت بيتنا حبيبى وحشتنى وربنا اى نعم مكنتش طايقك بس انت الحاجه الوحيده الى اعرفها فى اليوم الغريب ده دخلت البيت وسلمت على امى حبيبتى وحشتينى يا ست الكل ماما :مش باين ايه يبنى دنا لو كنت مرات ابوك كنت تزورنى اكتر من كده انا معلش يا ست الحبايب سامحينى ماما :مهو عشان انت ابنى الى مليش غيره هسامحك وامرى لله وربنا يهديك لمراتك انا :خير يا ماما كنتى بتقولى فى موضوع مهم خير ماما:اختك مها جالها عريس انا:مها مها مين مها انتى بتهزرى ده لسه صغيره ماما صغيره ايه يبنى اختك عندها 19سنه صغيره ازاى يعنى انا فى سرى 19سنه سبحان الله امبارح بس كانت 12سنه يانهار ابيض انا عدى من عمرى سبع سنين زى الهوا كده ماما :سرحت فى ايه يبنى متشلش هم انا محوشه لاختك انا :ياماما محوشه ايه بس ده اختى يعنى لازم اخليها احسن عروسه فى الدنيا المهم العريس هيشرف امتى ماما جاى بكره انا امال مها فين ؟ ماما :لسه مجتش من الجامعه انا سبحان الله بقى مها الى كانت بضفاير فى يوم وليله الاقيها بقت عروسه وكمان راحت الجامعه مها :ابيه خالد وحشتنى انا مين دى مها ابيه خالد مالك انا :مش ممكن مها ماشا الله ايه القمر ده كبرتى وبقيتى عروسه مها ووشها احمر خلاص يا ابيه متحرجنيش انا احرجك ايه بس يا كتكوته دنتى هتحسيسنى انا عجزت خلاص مها لا يا ابيه انت شباب طول العمر المهم اتغديت مع امى واختى وبعدين روحت البيت الى هو المفروض بيتى انا وحبيبتى هبه والواد الى بيعيط على طول ده بس انا حبيته خلاص اول ما دخلت لاقيت هبه قاعده على الكنبه وعينها حمرا اوى انا :السلام عليكم ازيك يا هبه مالك ؟ هبه:وعليكم السلام انا: مالك يا هبه ايه الى مزعلك هبه:لاقيتها ماسكه موبيل المفروض انه بتاعى خالد انا استحملتك كتير ومستعده استحمل اى حاجه تعملها معايا الا الخيانه انا خيانه خيانه ايه بس يا بنتى فهمينى هبه :افهمك ايه افهمك انك كنت بتسيبنى لوحدى اتفلق فى البيت وانت تروح عن الست الهانم وانفجرت فى البكاء انا :بس هدى نفسك يا هبه يا حبيبتى هبه:متقولش حبيبتى انت مبتحبنيش انا :انا يا هبه ؟دنا روحى فيكى فى ايه بس قولى انا مش فاهم حاجه هبه :اتفضل يا استاذ اديتنى الموبيل ودخلت اوضتنا ورزعت الباب مسكت الموبيل وقعدت ادور فيه لاقيت مكالمه مستلمه من حد اسمه جوجو قعدت اقلب فى الرسايل يمكن افهم حاجه لاقيت يا سيدى رسايل غزل للمدعوه جوجو طيب انا مش فاهم اى حاجه دخلت الاوضه يا هبه بس فهمينى فى ايه لاقيتها بتقولى انا مش هرد عليك انا هكلم مامتك وهى الى هتاخدلى حقى واتصلت هبه بماما ساعتين وانا طبعا اجبرت على الخروج من الاوضه انا مش فاهم اى حاجه هو فى ايه بعد نص ساعه لاقيت ماما جت عندنا اول ما فتحت الباب قالتلى ادخل يا منيل انا :فى ايه بس يا ماما والله انا مش فاهم اى حاجه ماما يعنى البنت مستحملاك ومستحملاه قرفك والى بتنيله فيها وفى الاخر تتجوز السكرتيره وكمان عرفى دنت يومك مش هيعدى نقصك ايه قلى بس نقصك ايه؟ مراتك زى القمر مبتطلعش العيبه وعندك ولد الله يحميه وشغلك زى الفل تتجوز تانى ليه ولا هيه فراغه عين وخلاص لاقيت هبه خارجه ولابسه رسمى ومعاها شنطه هدومها وفى ايديها الواد يوسف وقالت لماما يا ماما انا استنيت بس عشان حضرتك لكن بعد اذنك انا لازم اروح لبيت اهلى ولازم الموضوع ده يتحطله حل ماما :ومين قالك انى هسيبك مع ناكر الجميل ده يلا يا بنتى وربنا لاوريك يا مقصوف الرقبه وخرجت ماما وهبه زى العاصفه دى انا مش عارف هوانا الى ابنها ولا هبه وبعدين هو ايه الى انا نيلته ده اتجوز ازاى على هبه وانا الى كنت بقول امبارح عمرى مهحب حد غيرها انا مخنوق اوى خرجت روحت على الكورنيش على الكرسى الى كنت قاعد عليه امبارح اقصد من سبع سنين وقعدت افكر انا كنت بقول مش هحب غيرها وادينى اتجوزت عليها قلت هسعدها وانا منكد عليها ده حتى امى اشتكت منى ايه الى انا بعمله ده انا اعمل كده فى هبه يارب يارب يسرلى الامور وقدملى الى فيه الخير يارب خلصنى من السكرتيره دى ورجعلى حبيبتى هبه ونور عينى يارب انا مش هزعلها تانى وهحطها جوا عينى وهاخد بالى من يوسف وهعامل الناس كويس وهجيب سكرتير وهطلق السكرتيره وهاعمل وهاعمل وروحت فى النوم...................... . . . . . . صحيت من النوم على ايد بتهزنى لاقيت راجل عجوز ووشه بشوش بيقولى قوم يبنى قوم وقول يا رب قدملى الى فيه الخير خد بالك من الى بيحبوك وحافظ عليهم ومينسيكش الدنيا ان الناس دول الىى بيقفوا جنبك وقت الشده قوم روح بيتك ومشى الرجل وانا مندهش مين ده طيب اروح البيت ازاى وهبه مش موجوده فيه انا لازم اروح اصلاحها وروحت البيت خبطت على باب بيت امى فتحت امى بابتسمتها الى وحشتنى بجد وقالتلى اتاخرت ليه يبنى دحنا قلقنا عليك علمت ايه فى الشغل مها:ابيه خالد ابيه خالد ممكن تساعدنى فى درس العربى ده مها ايه ده مها صغيره مها رجعت صغيره يعنى انا رجعت اول امبارح ولا امبارح انا اتلغبط المهم ان هبه حبيبتى مش زعلانه منى انا بجد عمرى ما هزعلها وهتقى الله فيها ومسكت التلفون واتصلت بملاكى هبه حبيبتى وحشتينى اوى هبه:وانت كمان يا خالد عملت ايه النهارده؟ انا :قدمت الحمد لله ادعيلى يا حب عمرى هبه :ربنا يرزقك ويكفيك بحلالك عن حرامك انا :هبه اوعى تكونى زعلانه منى فى اى حاجه هبه :يا حبيبى هزعل منك ليه الله لا يحرمنى منك انا :هبه انا هجى اخطبك الخميس الجاى زغرطى لاقيت ماما ومها بيقولو :لولولوولولولولولولولولولولولى تمت
__________________
ومات الحب من قسوه حبيب بيده الداء وهو الطبيب وقلبى قبرى دفنت به شبابى انتهى بدمع له |
|
|
|
08-08-2007, 01:52 AM
|
#2 |
|
سندباد جديد
تاريخ التسجيل: Aug 2007
المشاركات: 4
|
استمتعت جدا بقرائتها وحلوة قوي
|
|
|
|
|
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| يا عينى عليك يا عوضين | el_malak | منتدى الفكاهه والفرفشة و الالغاز | 5 | 02-05-2008 03:14 AM |
| إليك يا نفسى | عاشق الحياه | المنتدى العام المنوع | 3 | 06-18-2007 10:41 PM |
| حد يتجوز مراتى يا ناس | مدحت الخطيب | المنتدى الاسلامي العام | 1 | 11-20-2006 08:32 AM |
| احمى عينى طفلك! | looolooo | منتدى الطفل والمرأه العام | 7 | 07-25-2006 04:08 AM |
| حد يتجوز مراتى يا ناس | المنتدى العام المنوع | 0 | 01-01-1970 03:00 AM | |
العرض العادي
