انواع المقالب من حياتي اليومية
هلاوالله ومليون غلا تو مانور المنتدى
يا حلوييين من زمان عنكم
أنا اليوم حبيت أكتب لكم المقالب اللي سويتها في أخواني والي أعرفهم
تخيلوا يمكن قبل أسبوع كنت أنا وأختي الصغيره نلعب تحت طاولة الأكل
المهم أخوي اللي أكبر مني بخمس سنين متعود اذا جا يسلم على راس أمي
المهم يوم كنت تحت الطاوله قلت هذه الفرصه المناسبه عشان أفجعه
المهم خليته لين قرب من عند الطاوله وأطلع راسي وافجعه والله بس قلت بووووووووو
المهم قام أخوي ضربني ضرب الله لا يوريكم بس بصراحه أنا مع الضحك ماحسيت ولا بشئ
بس بعد شوي حسيت بجسمي كله تشنج منه بس بصراحه كل ماشفت أخوي أجلس أضحك
وهو مقهور.
هذا الموقف الأول بس في النهايه انقلب ضدي
المقلب الثاني سويته في صديقتي بس هذي المره أنا متفقه مع الشله
المهم كان في وقت المراجعه يعني أربع وعشرين ساعه وإحنا بره الفصل
المهم المدرسات نزلونا تحت عشان يبغون يرتبون الطاولات
المهم إحنا نزلنا تحت ومتنا من الحر المهم في غرفه المصادر في مكيف والمدرسات مقفلين الغرفه بس في شباك وكان مفتوحالمهم قلت لوحده من صديقاتي بالمره ماتحب تكون مخالفه في أي شئ قلتلها ادخلي من الشباك وافتحي المكيف وارجعي واذا سألوا المعلمات نقول لقيناه مفتوح
المهم جلسنا نقنع فيها وبالقوه دخلت المهم راحت فتحت المكيف وهي راجعه سوينا أنفسنا إنا نكلم وحده من المدرسات وحده من الشله قلدت صوت وحده من المدرسات وهذه المدرسه عصبيه بالمره المهم بعدين قالت ايش تسوون هنا يابنات أنا قلت وأنا واقفه عند الشباك يا أستاذه مانسوي شء بس مانبغى نطلع بره في الحوش حررر المهم صديقتي كانت في الغرفه وسمعت كل شئ البنت صفرت صفار أنا خفت على صديقتي يصرلها شئ المهم أنا جلست أضحك المهم يوم عرفت صديقتي إنه مقلب جلست تبكي المهم طلعناها من الغرفه وهي بس تبكي وتشاهق بعد
بعدين صرت أحاول أراضيها وزعلت علي يومين ما كلمتني بعدين رضت علي ماتقدر تفارقني<<<واااااثقه
وهذه شئ بسيط من مقالبي واتمنى تعجبكم وإذا أعجبتكم قولولي وأنا أنزل بعض من مقالبي
|
العرض العادي
