ذنب البنات

البنات...

لا اتكَولون الذنب ذنب البنات ....
وبالهوى اتكَولون ما عدهن وفه
كَلوبهن ترفه ورقيقات النساء....
الله خالقهن حنان وعاطفه
الف هنياله اليحب طيبه صفات.....
والف هنياله العله اديها غفه
رقه واحساس وصوت موسيقى وجمال....
ليش ادم ما حمل هاي الصفه
لا اتكَولن الذنب ذنب البنات وبالهوى اتكَولون ما عدهن وفه
كَلوبهن طيبه ورقيقات النساء الله خالقهن حنان وعاطفه
عله كيفك وي قوارير الزجاج.....
ولا تخليها بمهب العاصفه
بهيده وي حواء مو ذني البنات.....
اجفوفهن لجروحنه بيها الشفه
تدري شيحس الكَلب لو هنه يوم....
يمرن من كَبالك طيور مزلفه
وتدري عينك تفرح وبيهن تشوف....
لوحه من ربك جميله مزغرفه
لا اتكَولن الذنب ذنب البنات وبالهوى اتكَولن ما عدهن وفه
كَلوبهن طيبه ورقيقات البنات الله خالقهن حنان وعاطفه
وانت يلي اتكَول باعتني برخيص.....
انت مو كَد الهوى ولا تعرفه
الغزال ارهيف وبسرعه يطيح....
من تتعبه وفوكَ حمله اتكلفه
الذنب ذنبك انت للفركَه اعتنيت....
وجان كَلب الحلوه بيدك واختفى
هي جانت كَمر وبدربك ينور....
وانت خليت الكَمر بيدك طفه
لا اتكَولن الذنب ذنب البنات وبالهوى اتكَولن ما عدهن وفه
كَلوبهن طيبه ورقيقات النساء الله خالقهن حنان وعاطفه
وانت يلي اتكَول ما وافت وياي ....
اسالت نفسج ليش لمن عافتك
جان ما بعدت ولا عنك تروح....
كونك اتحبها مثل ما حبتك
تذكر العشره وبدايتها الدموع.......
وذيج لهفتها التعادل لهفتك
لا تشهر بالتحبها بالكلام....
واذكر جفوف الي مسحت دمعتك
احفظ السانك تره باجر اتعود.....
الصحبه حوبه ولا تضيع صحبتك
خلي خط رجعه ولا تبغظ عزيز......
ايعود للروح العشك مهما اختفى
لا اتكَولن الذنب ذنب البنات وبالهوى اتكَولن ما عدهن وفه
كَلوبهن طيبه ورقيقات البنات الله خالقهن حنان وعاطفه
اتزعل الحلوه الرقيقه بلا ذنوب.....
وتنتضر منها تجيك وتعتنيك
من يكَول اللهفه ما تمر بيها يوم........
من يكَول الحلوه ما تشتاكَ ليك
الحبيبه الي جنت تشتمها ورود....
لا تخليها الم تصبح عليك
اشتريها بكلمه واصدق بالكلام
اتضحي بالدنيا كلها وتشتريك.....
المهره يهل الهوى من خيالها
وما تكَرب للضعيف كَبالها.......
الخسرها يكول خانتني وبقيت
والربحها شاطر ويشغل بالها.......
اطيور جنه وتمشي عالكَاع البنات
واليزعلهن قليل المعرفه.......
هنه النه واحنه الهن للمات
بغير عشه الطير ما نام ودفه.......
لا اتكَولن الذنب ذنب البنات وبالهوى اتكَولن ما عدهن وفه
كَلوبهن طيبه ورقيقات النساء
الله خالقهن حنان وعاطفه
الله خالقهن حنان وعاطفه

اخي امير العاشقي
يسلم قلمك على هذه اللوحه
انت فنان رائع
لي الحظ ان التقي باخ متألق مثلك
اتمنى ان تجمعنا الايام

تقبل اجمل تحياتي من اختك الصغيره



من اختك قطرات الندى
"عشيقه فلسطين_امي الحبيبه"

أخي الكريم أمير العاشقين
رغم أنني وجدت صعوبه أثناء قراءتها
فاعلى ماأعتقد أنها لهجه عراقيه
إلا أنني أعجبت بحروفك كثيرا
أخي كلماتك رائعه تحمل الكثير
من الإحساس والجمال
أخي تقبل مروري المتواضع على صفحتك

إختك المحبه
إجنان

امير العاشقين

كتبت لنا يا اخي الغالي برقاء حسك وطبيعة حرفك

فمزجت لنا كلمات بالعاميه لتقراء كما احسست بها

فما اروع احساسك

وما اجمل كلماتك

تقبل مروري واحترامي