يمه شونك وشلون عيونك بالغربه تنام الليل
يمه شلونك يمفاركني وماجنت
ادري الدنيه تميل
احضن تصويرك يوميه
واعله خدودي دموعي تسيل
ولو تدري الدنيه شكد صعبه
وماظل حيل
والدنيه اشسوت بحوالك
خافن يمه تغير لونك
يمه شلونك تذكرني ومن
تذكر تغفه عيونك يمه شلونك
يمتعبني ذبلني فراكك يالغايب
وصدكانك يبني يتانونك
يمه شلونك يمحيرني
عفت امك بالهم والونه
خافنهم يمه يغيرونك
ناغيت الليل وهزيتك
ومن دمعات العين سكيتك
جنت ابرد وانته التدفه
وبالظل من عمري مغطيتك
ومانزلت عيني من عيونك
تكبر يوليدي متانيتك
دارت بينه الدنيه خلافك
ظل وحشه وما ينطب بيتك
ليش تعوف امك وتسافر
عود لشيباتي مخليتك
الام تخاطب ولدها في الغربه
العرض العادي
