حب ايه

حب ايه اللى اتبنا على القسوه والحرمان
حب ايه يا زمان
حب ايه اللى اتنسا وكأن عمره ما كان
حب ايه يا زمان
حب ايه اللى السبب فى الدمع والاحزان
حب ايه
ادى الحب وادى اصحابه
وادى جراحه وادى عذابه
وادى اللى بيفتح لك بابه
تلاقاه فى وسط الجنه بنار

اللى بيوعد وعد وينسا
واللى بياخد حب ويقسا
واللى ما مافيش فطريقه مرسا
فجأه تلاقى حلاوته مرار

اللى ما بين احبابه غريب
واللى مالوش فى الحب نصيب
واللى مافيش لجراحه طبيب
واللى زمانه قطر دوار

ناس بتهد وناس بتود
وناس من ظلم الناس تتهد
وناس فطريق الخير بتسد
كأن ما بينه وبينهم تار

اللى بيلبس وش ملاك
خاين جوا عيونه هلاك
واللى تلاقى هوه جواك
تلقاه حابب ناس تانين

اللى فعينه هلاك وغرور
واللى يطير بجناح مكسور
واللى عليه فى الدنيا الدور
خايف من غدر الاسيين

اللى كلامه كله جراح
واللى بيبكى على شىء راح
واللى مالوش ابدا افراح
عايش جوا عذابه وحيد

اللى شيطان وبيعمل طيب
واللى عمل حلو بيراعيه
واللى تحس بانه قريب
اول واحد يبقى بعيد

اللى بيكتم همه فقلبه
واللى بيتنهد من غلبه
واللى بيتعذب من حمله
احماله عليه بتزيد

اللى بينسى اعز الناس
واللى يقول ده نصيب وخلاص
ينسى احبابه ويرضا عذابه
يفتح بابه لناس تانين

حب ايه يازمان
خلاص ما فيش امان

السلام عليك
ما اروع عباراتك , انها جميله ولكنها مليئله بيأس ,
ثق في الحب ما دام في حياه وايام مستمره , الحب قائم,
لا تياس


من اختك قطرات الندى
"عشيقه فلسطين_امي الحبيبه"

اختى الغاليه قطرات الندى
هذه مجرد كلمات اكتبها
وليست قصتى
لا يوجد شىء فى كل هذه الدنيا كلها يجعلنى ايأس
لانها ما بتفرقش معايا
واشكرك على هذه النصيحه الغاليه
ولك كل الشكر على مرورك