عرضته قناة
onetv أول أمس وتعرضه قريبـا قناة
mbc4
Serendipity معناها المصادفة السعيدة كما عرفتها بطلـة الفيلم كما سنوضح لاحقا
يبدأ الفيلم بمشهد شراء جوانتي أسود بين بطل الفيلم و بطلته .. وفي نفس اللحظـة يمدا ايديهما عليه ( هذه أول صدفــة .. امال كيف حيتعرفوا على بعض ؟؟ ) ويعرض كل منهما التنازل عن الجوانتي للاخر بمنتهى اللطف و الرقـة .. بس يستقران ان كل واحد فيهم يأخذ فرده !!!
ثم فجأه ودون سابق انذار نجدهما يجلسان في مقهي يحمل اسم الفيلم (
Serendipity المصادفة السعيدة ) ياكلان ايس كريم .. كيف الله اعلم .. المخرج عاوز كذا
وطبعا كان واضح انهم استلطفوا بعض .. وبعد ما خلصوا الايس كريم
ولما جاء يوصلها للتاكس طلب منها رقم هاتفها فردت عليه :
اذا كان القدر كتب ان نشوف بعض مرة اخرى .. يعني حنشوف بعض مرة اخرى
شوف العقل و المنطق و الحكمـة ؟؟
وفعلا ركبت التاكس وسط استغراب جوناثان ( البطل )
ويادوم كم دقيقة كل واحد فيهم افتكر انه نسي شيئ في المقهي .. هو نسي شالـه وهي نسيت كيس الهدايا
يا عيني على الصدف !!
وبمجرد ما رجع كل منهما للمقهي لقي الاخر في خلقته
قالوا بس خلاص القدر كتب ان نشوف بعض ثاني !!
وبالفعل طلب منها جوناثان رقم هاتفها على اعتبار ان القدر جمعهم مرة ثانية ( بفارق بضع دقائق )
و هي ( ساره ) اتوكلت على الله وطلعت ورقـة من جيبها وكتبت له الرقم
وبالصدفـه ( يا ما اكثر الصدف في هذا الفيلم ) مرت شاحنة سريعـة وعملت دوامة هوا .. فطار الرقم من يده وسط دوامة الهوا و الدخان و الاوراق و الاكياس ( برضو القدر )
فعرفت انه مافيش نصيب ياخذ رقمها .. بس هو صمم
قامت هي قالت له شايف هذا الفندق .. له مصعدين ؟؟
انا حاخذ واحد وانت واحد .. واذا اخترنا نفس الطابق .. يبقى القدر يريد يجمعنا
واذا لم نختـر نفس الطابق كل واحد يروح لحالــه ؟؟
فوافق وهو مندهش من طريقة تفكيرها
وبالفعل كل واحد دخل مصعد وشافوا لبعض للحظات سريعـة ولما اغلق كلا المصعدين
هي ظغطت على رقم 23 وهو يا سبحان الذي خلقه كمان ضغط على رقم 23
بس طبعا القدر مش حيسبهم .. فجاه توقف مصعد جوناثان و دخل فيه شيطان !!!
اي والله شيطان ( طفل صغير حوالي 7 سنوات يرتدي زي شيطان احمر وله قرون وذيل وشنب مرسوم على وجهه )
وطبعا راح الولد العفريت ظاغط على كل الازار بتاع المصعد
والمصعد بدل ان يروح للدور الـ 23 توقف تقريبا في كل الادوار
والغلبانه ساره مستنيـه في الدور الـ 23 و لما زهقت نزلت تستناه تحت
والراجل مصمم ان العفريت اللي طلع له هو السبب في عدم لحاقه بها
قامت قالت له خلاص : هات دولار واكتب اسمك ورقم تلفونك عليه
وراحت اشترت شوكلاته بهذا الدولار .. وقالت له اذا الدولار رجع لي .. يبقي مقدر و مكتوب نشوف بعض ثاني .. واذا ما رجعش خلاص
شوف ازاي يا اخي ؟؟
فهو برضو قالها طيب مش لازم نرسل للقدر حاجة فيها اسمك ورقم تلفونك
قالت له وكانوا مارين بجوار بائع كتب .. وبعد ان اشترت رواية عاطفيـة
انا حكتب اسمي ورقم تلفوني عليها واذا وصلت لك تبقى تتصلي !!!
وبعد كم سنة .. هكذا ظهرت على الشاشـة
يظهر الاخ جوناثان وهو على وشك ان يعقد قرانه على فتاة لطيفة وجميلـة و تحبه بجنون
بس لما راح يلعب جولف .. سمع المذيع الداخلى للملعب ينادي على اللاعبـه التي بعده .. وطبعا اسمها ساره
راح معتبر ان هذه اشارة
ساب الجولف و راح يحلق شعره .. طلعت الحلاقــة اسمها ساره .. كمان اعتبرها اشاره
وهو راكب التاكس واثناء وقوفه وسط زحام الطريق كان احد ركاب الدرجات الهوائيــة يسند على التاكس ويغني اغنية فيها اسم ساره .. وقام كمان اعتبرها اشاره
رغم ان اسم ساره من أكثر الاسماء شيوعا في الغرب .. بس المخرج عاوز كذا
وهي ايضا كانت مخطوبة لمطرب وعلى وشك الزواج منه .. بس طلبت منه مهلة كم يوم تتفسح في نيويورك قبل عقد القران .. وطبعا هي رايحــه تدور على المتعوس جوناثان
وبالفعل عندما وصلت لنيويورك .. سالها سائق التاكس في المطار على فين ؟؟
قالت له : أي مكان في نيويورك
وطبعا المفروض السواق مش معتوه مثلهم فصمم يعرف وجهتها بالظبـط لكي يتحرك .. فلم تعرف على فين بالضبـط !!!!
فتنرفزت صديقتها التي اخذتها ساره معها لنيويروك وهي لاتعرف ان ساره رايحـه تدور على حبيب القلب
وقالت لها خلينا نروح فندق وناكل ونستحم وبعدين نفكر بالعقل ..
وصلوا الفندق وقعدت تهدي في ساره وتقول لها .. يا بنت الحلال هذا الكلام من كم سنة .. تلاقيه دلوقتي متزوج وسعيد ومرتاح مش زيك متعلقه بالوهـم .. ( هي ماقالتش كده بالحرف لانه فيلم امريكي )
وفي هذه اللحظـة كان جوناثان مع خطيبته في قمة السعادة وعندما تركته لحظات لتفتح الباب .. واذا به يجد كيس الهدايا الذي اشتراه من كم سنة وفيه فرده الجوانتي الاسود .. ورقم بطاقة ائتمان ساره .. طبعا صدفه
فراح جاري على صديقة وحاكي له اللي حصل .. وطبعا لم يقتنع صديقه بهذا الجنون ومع ذلك ساعده في البحث عن الانسة ساره ..
وبعد رحلـة بحث متعبـة و مضنية دون جدوي قرر يستسلم ويتزوج البنت القمر اللي كان مفروض يتزوجها !! ( شوف الحظ الزفت )
وبالفعل وفي صباح يوم الزفاف وبعد تاديتهم لبروفـه المراسم قدمت العروس لجوناثان هدية قبل الزواج
وطبعا الهدية عبارة عن الرواية العاطفيـة التي فيها رقم ساره ( مش حتخلص الصدف بقى )
قال ايه .. لاحظت ان كل مرة يدخلوا فيها مكتبه يجرى على هذه الروايـة ويتصفها ومع ذلك لا يملك نسخـة منها .. فقررت هي اهدائه واحده !!!
ونعم الهدية والله ..
وفي نفس الاثناء وساره خلاص يئست من العثور على جوناثان .. وهي على متن رحلتها المغادرة من نيويورك
اشترت سماعات للراس من المضيفة الجويـة و دفعت لها من حقيبة صديقتها التي اخذتها بالغلط
وطبعا حسب سيناريو الصدف المضحك .. كان الدولار اللي مكتوب فيه رقم الاخ جوناثان في جيبها من اول ما وصلت نيويورك !!
ومش حطول عليكم اكثر من كذا ... البقيــة معروفــه .
بس أنا مش صعبان عليـا غير الأموره الغلبـانة خطيبة جوناثان اللي سابها يوم الفرح علشان وهم من عقد مضي !!
علشان كده انا بحب الافلام الاكشن و الكوميدي ومابقربش على هذه النوعيات غير بالصدفـة !!
Serendipity فيلم عاطفي في قمة السخف و التهريــج
مشكووووووووووووووووووووووووووووووووووووووووووووووو ووووور
العرض العادي
